胡爐 (已結業)

平时打边炉成日都食麻辣火锅，今次要食返啲养颜又保暖嘅滋补锅😋今次叫咗胡椒猪肚花胶鸡锅🍲，花胶同鸡喺另外用碟上，仲有一碗磨好咗嘅胡椒，等汤大滚后，将所有材料倒入汤底。花胶超大块，充满啖啖嘅骨胶原😍鸡肉都好嫩滑，胡椒味愈煲愈出。🔸胡炉牛拼盘 (牛舌芯、安格斯手切肥牛、极上手切牛颈脊、牛胸爽、霜降牛粒）👅牛舌芯好爽口，霜降牛粒肉质鲜甜软腍，极上手切牛颈脊肉质烟韧。🔸日式和风蕃茄沙律 个酱料酸酸地，好解腻，味道好清新，好食😋🔸丸类拼盘叫咗皇帝柱贝墨鱼丸、黑松露墨鱼丸、芝心墨鱼丸、芝心虾丸。啲丸全部都好新鲜弹牙，而且味道都好特别同好多款式。🔸饺类拼盘叫咗黑松露蟹肉饺、手工云吞、自家制韮菜饺 同手工鱼皮饺。整体嚟讲火锅汤底个花胶鸡几出色，佢仲有好多汤底好似火焰龙虾海鲜锅、招牌鲜椰青鸡锅、潮汕沙嗲锅都好吸引，下次想试埋!