影片
更多
2023-01-21
162 浏览
今日嚟到中环呢间好有本土特色嘅酒吧餐馆，读一读餐厅个名，就知道佢地系一间几有粗犷豪放特色嘅本地姜餐厅😆 餐馆以旧式香港作为装修主题，入到嚟见到有旧式通花铁闸、霓虹灯、吊扇等嘅deco，餐具仲用咗公鸡碗、红筷子，呢啲咁有老香港味道嘅怀旧产物真系满载集体回忆🥲 作为一间特色酒吧，呢到提供多款本地以及外国嘅手工啤酒，仲有唔少特色自创嘅cocktail，口味非常特别，酒鬼必访🤩! 不过最吸引我嘅一定系佢地自创嘅fusion菜式，以港式口味作为灵感，再混合唔同嘅外地食材同埋烹调手法，成品非常创新有特色。➤ 24小时慢烤伊比利亚叉烧猪油捞饭 ($188)招牌菜式！半肥瘦嘅叉烧预先慢煮过，再喺表面搽上蜜汁烧到焦香，食落肉质软腍，肥瘦均匀，咬落仲有肉汁，啖啖油脂香味。至于个饭底就仿效韩式拌饭嘅做法，将白饭同红洋葱渍、大豆芽、韩国紫菜等配菜捞匀，加埋猪油同埋日本温泉蛋，饭粒食落粒粒分明，索晒蛋汁同埋猪油又甜又香，超正😗➤ 葱烧龙胆石班鱼柳汉堡包 ($158)用石斑整嘅burger大家又食过未呢🤔 石斑鱼柳食落鱼味浓郁，而且肉质厚嫩弹牙，配埋飞鱼籽千岛汁酱同埋泡菜沙律，味道清爽微酸几开胃～ 配菜cajun
今日嚟到中环呢间好有本土特色嘅酒吧餐馆，读一读餐厅个名，就知道佢地系一间几有粗犷豪放特色嘅本地姜餐厅😆 餐馆以旧式香港作为装修主题，入到嚟见到有旧式通花铁闸、霓虹灯、吊扇等嘅deco，餐具仲用咗公鸡碗、红筷子，呢啲咁有老香港味道嘅怀旧产物真系满载集体回忆🥲 作为一间特色酒吧，呢到提供多款本地以及外国嘅手工啤酒，仲有唔少特色自创嘅cocktail，口味非常特别，酒鬼必访🤩! 不过最吸引我嘅一定系佢地自创嘅fusion菜式，以港式口味作为灵感，再混合唔同嘅外地食材同埋烹调手法，成品非常创新有特色。
➤ 24小时慢烤伊比利亚叉烧猪油捞饭 ($188)
招牌菜式！半肥瘦嘅叉烧预先慢煮过，再喺表面搽上蜜汁烧到焦香，食落肉质软腍，肥瘦均匀，咬落仲有肉汁，啖啖油脂香味。至于个饭底就仿效韩式拌饭嘅做法，将白饭同红洋葱渍、大豆芽、韩国紫菜等配菜捞匀，加埋猪油同埋日本温泉蛋，饭粒食落粒粒分明，索晒蛋汁同埋猪油又甜又香，超正😗
➤ 葱烧龙胆石班鱼柳汉堡包 ($158)
用石斑整嘅burger大家又食过未呢🤔 石斑鱼柳食落鱼味浓郁，而且肉质厚嫩弹牙，配埋飞鱼籽千岛汁酱同埋泡菜沙律，味道清爽微酸几开胃～ 配菜cajun fries都相当好食，炸到外脆内软，表面洒上香辣嘅调味粉，点埋蕃茄酱/蒜味蛋黄酱一齐食非常惹味。
➤ 咸梅西瓜沙冰 ($68)
用新鲜西瓜打成嘅沙冰，非常足料，清爽解渴 加埋咸梅令西瓜甜味更突出，饮落比一般嘅西瓜汁更清甜，值得一试！
➤ 煨蕃薯焦糖炖蛋 ($148)
软滑绵密嘅焦糖炖蛋，带淡淡香甜嘅煨蕃薯味，好啱冬天食🥰 将烘得香脆嘅厚多士沾上炖蛋，加埋酸酸辣辣既姜味柚子jam一齐食，成个味道都几冲撃味蕾下。
➤ 芝麻花生汤圆 ($125)
Presentation好有特色嘅一杯cocktail，用传统中式万寿无疆茶杯装住，扮成一碗汤圆，玩味感十足。店员建议先单尝表面嘅花生奶泡，再混合下层嘅黑芝麻whiskey一齐饮。杯入面仲放咗一粒烟烟韧韧嘅汤圆，成个搭配真系好得意！
张贴
