影片
更多
2023-07-05
80 浏览
之前都会同屋企人偶然过嚟鲤鱼门食海鲜，但一般都系海鲜街果边买完海鲜再去餐厅加工，今次呢间系码头果边，全部食物都明码实价，仲可以直接喺门口泊车！———————————————🌟尊贵海鲜套餐 $449/位呢个海鲜套餐所用嘅材料全部都好高质，餐厅本身系做海鲜批发，基本上所有海鲜质素都好高。因为日本近期有污染议题，餐厅都统一转晒所有嘅日本海鲜，确保客人食嘅系最新鲜同健康。.先介绍一开始嘅海鲜拼盘，上面有深海石斑、台湾九孔鲍鱼、阿根廷大赤虾、刀贝蚌、青口、扇贝同韩国釜山珍珠蚝，全部都非常鲜甜，而且系明显食得出同平时街市买开嘅有分别。.然后就到重头戏野生膏仔蟹同龙虾，一上台已经见到入面啲膏多到不得了，而且仲要大大只。龙虾咬落好弹牙爽口，唔要酱汁都好好味。蟹更系令人食到回味无穷，净系慢慢食膏已经用唔少时间，之后再慢慢食蟹肉真系正到不得了。.跟住会有份有机蔬菜篮，上面有粟米、生菜同娃娃菜。个粟米真系不得不讲非常有惊喜，佢咬落系有少少似糯感但又有啲爽口，同埋有种好特别嘅清甜味。.蒸晒所有海鲜后就可以开始食粥喇！个粥底本身都有少少猪骨同粟米，食落本身都已经有啲甜味，另外你仲可以选择加葱同菜脯，咬落仲更有咬
之前都会同屋企人偶然过嚟鲤鱼门食海鲜，但一般都系海鲜街果边买完海鲜再去餐厅加工，今次呢间系码头果边，全部食物都明码实价，仲可以直接喺门口泊车！
———————————————
🌟尊贵海鲜套餐 $449/位
呢个海鲜套餐所用嘅材料全部都好高质，餐厅本身系做海鲜批发，基本上所有海鲜质素都好高。因为日本近期有污染议题，餐厅都统一转晒所有嘅日本海鲜，确保客人食嘅系最新鲜同健康。
.
先介绍一开始嘅海鲜拼盘，上面有深海石斑、台湾九孔鲍鱼、阿根廷大赤虾、刀贝蚌、青口、扇贝同韩国釜山珍珠蚝，全部都非常鲜甜，而且系明显食得出同平时街市买开嘅有分别。
.
然后就到重头戏野生膏仔蟹同龙虾，一上台已经见到入面啲膏多到不得了，而且仲要大大只。龙虾咬落好弹牙爽口，唔要酱汁都好好味。蟹更系令人食到回味无穷，净系慢慢食膏已经用唔少时间，之后再慢慢食蟹肉真系正到不得了。
.
跟住会有份有机蔬菜篮，上面有粟米、生菜同娃娃菜。个粟米真系不得不讲非常有惊喜，佢咬落系有少少似糯感但又有啲爽口，同埋有种好特别嘅清甜味。
.
蒸晒所有海鲜后就可以开始食粥喇！个粥底本身都有少少猪骨同粟米，食落本身都已经有啲甜味，另外你仲可以选择加葱同菜脯，咬落仲更有咬口。
.
最后仲有个甜品椰汁炖雪蛤，最正嘅地方系够晒冻，唔太甜仲好滑身真系好好食。
.
🌟安格斯肥牛(例) $168
呢个肥牛感觉牛味唔够重，但佢个香味系足嘅，店员仲帮我地蒸到半生熟非常粉嫩。
.
🌟Lemon Squash $68
呢杯酸度好足好好饮仲够晒冻。
.
🌟果茶 $48
整得好令好适合打卡，甜度适中不过果味再出啲就更好。
.
🔸整体评价🔸
所有海鲜味道都好满意，店员服务都好好，全程帮你蒸海鲜仲会帮你摆靓个位影相。出面仲有海景露台比大家影相，建议大家黄昏时间，打卡会系最靓架！
张贴
