常聚小廚

营业中

休息中

【黄大仙区】【常聚小厨】喺 Mikiki 向新蒲岗方向望过去，𠮶条街叫景福街。喺呢条街上面有好多间食肆，我估冇十间都起码有八间。然而，沿住街口一直行过去，一间又一间咁数，发现啲餐厅一系就食过，一系就当刻落咗场食唔到，好似食完咗条街。谂落其实都几癫，我已经系十八区食肆打乱晒咁食，而且都唔系成日掂到黄大仙区，仲要成个区咁大我都可以食嘢，居然都可以食到差不多写晒成条街嘅食肆其实都系一件几恐怖嘅事。然而，街口呢间呢，反而我系一直都未食。因为佢似系食晚饭小菜嘅餐厅，自己一个人又好难去食呢啲㖞。咁我就一直等机会，但真系冇机会嘅时候，都要自己入去食啲嘢。入到呢间餐厅啱啱啲侍应都喺度食饭，好彩水吧都仲正常运作，我就叫个「必食常餐」嚟食吓。𠮶 $47 系包括几惹味嘅「XO 炸菜肉丝米粉」同正正常常嘅「3.6牛奶嫩滑炒蛋」，加埋「迷你牛角」同「热奶茶」，整体都合情合理。味道上冇咩特别，反而我食嘢期间见到都有几个街坊叫外卖，都系食啲炒嘢，似乎信得过㖞。。。（地址：新蒲岗景福街43-45号地舖）#1amfoodie #foodie #hkfoodie #thatfoodiething #hkfood #foo