Plato Cafe & Bistro (Mikiki)

【黄大仙区】【Plato Cafe & Bistro】喺新蒲岗好多时候都会喺唐楼堆里面揾嘢食，反而忽略咗呢度仲有个大商场叫 mikiki 嘅。而喺 mikiki 里面，一般情况下又真系可能只系留意到一田同寿司郎。原来喺佐敦好受欢迎嘅 Plato 都开咗嚟呢度，我同朋友过去𠮶头做嘢，就顺便去试埋呢间分店系点。我哋试 $458 嘅「精选二人套餐」，店员细心讲解是日餐汤系「南瓜汤」，嚟到，饮落质素都几好，好香南瓜味。前菜我哋拣「烟三文鱼凯撒沙律」嚟试，大份夹好味，足料又健康。饭类我哋试「波士顿龙虾龙虾汁意大利饭」，龙虾肉厚，个汁浓香，正。主菜我哋试「澳洲肉眼牛扒」，五成熟做得啱啱好，牛扒嚟讲整得唔错。个是日精选甜品系「芝士蛋糕」，一致认同系高质素嘅。餐饮我哋都系要咗本身系冻嘅「冰果茶」少甜少冰，清甜解渴易入口，为餐饭加入咗啲清新嘅元素。埋单 $504，咁多嘢食唔贵啦。。。（地址：新蒲岗太子道东638号Mikiki 1楼116号舖）@platocafebistro#1amfoodie #foodie #hkfoodie #thatfoodiething #hkfood #food #insta