影片
更多
2023-08-15
1654 浏览
超级推荐嘅京都过江龙拉面店「GOGYO五行」，而家只要喺中环站H出口行2分钟就食到！餐厅播住柔和音乐，环境昏暗，门口旁有酒吧枱，中间地下有艺术摆设，每张枱有一盏小灯，环境格调一流。而且餐厅除咗拉面，仲有寿司set、串烧、沙律、小食及手工啤酒，拉面价格同其他餐厅差唔多，最平只需HK$98，但食物款式、味道、环境及享用体验真系胜人一筹！✍🏻 /Siphon（虹吸）十全高汤拉面 配 昆布渍平目茶渍饭▪️价钱：HK$198▪️美味指数：♥♥♥♥♥今次好幸运食到呢款期间限定、每日限量15份嘅特色拉面，食法新颖，而且我觉得系好成功嘅一种拉面新食法！研究开咖啡嘅可能会认识冲泡咖啡时常用嘅「虹吸式制法」，呢款拉面用咗同样道理，畀你喺享用拉面前欣赏整个虹吸过程，等待高汤萃取多款由日本鱼干片熬制嘅汤底，包括日本鲣鱼片、鲭鱼片、昆布等🐟✨完成虹吸式制法后，高汤传来阵阵鲜香鱼干味，配以较幼身嘅中太面，完全唔觉油腻。留咗啲汤待后续享用「昆布渍平目茶渍饭」，真系将成碗汤饮晒㗎👍🏻✨除咗汤底用心，仲有极致奢华嘅配料，包括慢煮肩肉叉烧、溏心蛋、紫菜，同埋最意想不到嘅矶煮饱鱼，配埋柠檬汁，滋味弹牙！其实除咗配料，仲有一碗同
✍🏻 /Siphon（虹吸）十全高汤拉面 配 昆布渍平目茶渍饭
▪️价钱：HK$198
▪️美味指数：♥♥♥♥♥
今次好幸运食到呢款期间限定、每日限量15份嘅特色拉面，食法新颖，而且我觉得系好成功嘅一种拉面新食法！研究开咖啡嘅可能会认识冲泡咖啡时常用嘅「虹吸式制法」，呢款拉面用咗同样道理，畀你喺享用拉面前欣赏整个虹吸过程，等待高汤萃取多款由日本鱼干片熬制嘅汤底，包括日本鲣鱼片、鲭鱼片、昆布等🐟✨
完成虹吸式制法后，高汤传来阵阵鲜香鱼干味，配以较幼身嘅中太面，完全唔觉油腻。留咗啲汤待后续享用「昆布渍平目茶渍饭」，真系将成碗汤饮晒㗎👍🏻✨
除咗汤底用心，仲有极致奢华嘅配料，包括慢煮肩肉叉烧、溏心蛋、紫菜，同埋最意想不到嘅矶煮饱鱼，配埋柠檬汁，滋味弹牙！
其实除咗配料，仲有一碗同样奢华嘅「昆布渍平目茶渍饭」，内含配料包括帆立贝、元贝、金华火腿等，只要将拉面剩低嘅高汤倒入茶渍饭，味道立即升华，呢碗茶渍饭先系精华所在啊😍✨
✍🏻 /五行焦香味噌拉面
▪️价钱：HK$108
▪️美味指数：♥♥♥♥♥
呢款系GOGYO五行嘅招牌拉面，配有2片叉烧、木耳、葱花等，面条比较粗身弹牙。相比外间嘅同款拉面，呢度嘅汤底调味真系啱啱好，唔会过份浓郁，带有神秘感嘅黑色汤底散发浓郁焦香同微微烟熏味，风味同层次感都好丰富有一种「终于食到唔洗成日饮水嘅拉面」嘅感觉😆✨
✍🏻 /“Luigi” Truffle Fries
▪️价钱：HK$58
▪️美味指数：♥♥♥♥♥
本来以为系会配黑松露酱，但原来系直接将黑松露调味料混合咗落薯条度。不得不赞嘅黑松露系呢种简单做法都成功令人一啖接一啖咁食落去，而且薯条炸得非常香脆，连小食都咁掂点可以唔推荐㖞🍟✨
✍🏻 /GOGYO x HEROS PHASES
▪️价钱：HK$68
▪️美味指数：♥♥♥♥♥
男友系都话要饮返杯，就拣咗呢杯比较有特色嘅酒，融入咗日本花椒同柚子味。我试咗少少，饮落顺口，但又带有小小甜辣嘅刺激感，配黑松露薯条唔错🍻✨
张贴
