影片
更多
2019-04-26
393 浏览
亲子日常再忙碌再唔得闲， 都要抽空比长老们享受下公孙乐嘅，所以今日决定带公公婆婆去 得闲饮茶·Let’s YUM CHA 体验下新派饮茶嘅感觉， 平时叹惯传统饮茶嘅两老，出奇地觉得物超所值，大赞点心有特色，味道水准以上，而且仲要好抵食，更重要的是，有好多小动物造型点心，氹得佢哋个孙好开心，而且呢度系有bb櫈架！*** 埋单只系二百一十几蚊，真系边度揾?{美味点心逐样试}呢度有好多得意造型嘅点心，小朋友见到开心到爆灯，重点系一啲都唔贵， 真系做到「随便嗌，唔好客气」嘅豪气！蛋黄哥流沙包 $24超可爱造型， 软绵绵包包， 入面香甜流沙馅， 大人小朋友都一定钟意！灌汤京沪小笼包 $24爆汁小笼包，热辣辣汤汁加上鲜嫩肉馅， 十分唔错， 只系略嫌皮厚咗少少。黑豚肉脆脆猪 $34超可爱猪仔咸水角，外皮厚得黎烟韧软糯， 质地有啲似旧式糯米糍， 十分讨好。豆沙qq小白鼠 $28 呢个超级得意点心， 林小姐系吊叫住佢条尾，劲搞笑，原来系椰丝糯米糍， 软淋淋，烟烟靭靭，小朋友最钟意。虫草花花胶灌汤饺 $28超级抵食！ 用料十足， 火候更是十足， 大大只灌汤饺， 入面充满虫草花同花胶
亲子日常再忙碌再唔得闲， 都要抽空比长老们享受下公孙乐嘅，所以今日决定带公公婆婆去 得闲饮茶·Let’s YUM CHA 体验下新派饮茶嘅感觉， 平时叹惯传统饮茶嘅两老，出奇地觉得物超所值，大赞点心有特色，味道水准以上，而且仲要好抵食，更重要的是，有好多小动物造型点心，氹得佢哋个孙好开心，而且呢度系有bb櫈架！
*** 埋单只系二百一十几蚊，真系边度揾?
{美味点心逐样试}
呢度有好多得意造型嘅点心，小朋友见到开心到爆灯，重点系一啲都唔贵， 真系做到「随便嗌，唔好客气」嘅豪气！
蛋黄哥流沙包 $24
超可爱造型， 软绵绵包包， 入面香甜流沙馅， 大人小朋友都一定钟意！
灌汤京沪小笼包 $24
爆汁小笼包，热辣辣汤汁加上鲜嫩肉馅， 十分唔错， 只系略嫌皮厚咗少少。
黑豚肉脆脆猪 $34
超可爱猪仔咸水角，外皮厚得黎烟韧软糯， 质地有啲似旧式糯米糍， 十分讨好。
豆沙qq小白鼠 $28
呢个超级得意点心， 林小姐系吊叫住佢条尾，劲搞笑，原来系椰丝糯米糍， 软淋淋，烟烟靭靭，小朋友最钟意。
虫草花花胶灌汤饺 $28
超级抵食！ 用料十足， 火候更是十足， 大大只灌汤饺， 入面充满虫草花同花胶，饮啖汤清甜滋补，必点！
野菌素粉果 $22
呢个系婆婆指明要叫嘅点心，多色蔬菜好健康㖞，晶莹剔透嘅饺皮，里面胀卜卜嘅蔬菜馅料，只能够讲冇得输！
陈村粉蒸排骨 $24
陈村粉真系唔系度度都有得食，见到一定要叫！ 仲可以选择唔落豉油， bb食就最啱喇！
3.6牛乳太阳蛋 $23
呢个系我喺门口见到已经觉得好吸引， 果然冇令我失望， 白色部分系嫩滑牛奶布甸，黄色部分系甜甜啫喱， 入口奶香十足而且超级软滑！
［后记］
早几日打电话约公公婆婆嘅时候都惊佢哋嫌呢度远， 原来太子站A出口向后街行过对面马路就系，步程都唔过五分钟， 佢两个仲话希望可以encore添！
#得闲饮茶 #家庭乐 #新派点心店 #有惊喜 #隐世小店 #水准美食 #创意点心 #亲子餐厅
张贴
