影片
更多
2024-11-26
540 浏览
等到颈都长，终于迎嚟食大闸蟹嘅季节喇！🙌🏽🙌🏽🙌🏽自问每年呢个月，买返屋企自己拆蟹又好、出街食中式大闸蟹宴都好，阿叔都会约朋友劲食，不过就从未食过西式大闸蟹宴。今次呢间半山西餐厅破格地中西合壁，以大闸蟹入馔，特别推出5道菜嘅大闸蟹宴，再联乘本地草本酒品牌 @magnolialab.hk 五味杂陈 帮你饭前开开胃、饭后暖胃驱寒。🦀Hairy Crab Special Menu ($798) 🥃Oriental Botanical Cocktail - Magnolia Tonic🥩Hanging Tender Beef Carpaccio Roll晚宴甫开始，即以一杯清新又带点草本味道嘅 cocktail 同大家开开胃，接住头盘就以生牛肉包住芦笋，中间加埋大闸蟹酱示人，只要一啖放入口，即时感受到层次丰富嘅味道。🥚Hairy Crab Roe Steam Egg White 🍝Hairy Crab Roe Tagliolini接住就系全个餐阿叔最钟意嘅蟹黄瑶柱姬菇蒸蛋同大闸蟹粉义大利面，前者蒸蛋中加入蟹黄酱、干贝同姬菇，口感嫩滑，食到浓浓嘅蟹黄味，加碗白饭就啱晒；后者喺餐厅自家制嘅手工义大
自问每年呢个月，买返屋企自己拆蟹又好、出街食中式大闸蟹宴都好，阿叔都会约朋友劲食，不过就从未食过西式大闸蟹宴。今次呢间半山西餐厅破格地中西合壁，以大闸蟹入馔，特别推出5道菜嘅大闸蟹宴，再联乘本地草本酒品牌 @magnolialab.hk 五味杂陈 帮你饭前开开胃、饭后暖胃驱寒。
🦀Hairy Crab Special Menu ($798)
🥃Oriental Botanical Cocktail - Magnolia Tonic
🥩Hanging Tender Beef Carpaccio Roll
晚宴甫开始，即以一杯清新又带点草本味道嘅 cocktail 同大家开开胃，接住头盘就以生牛肉包住芦笋，中间加埋大闸蟹酱示人，只要一啖放入口，即时感受到层次丰富嘅味道。
🥚Hairy Crab Roe Steam Egg White
🍝Hairy Crab Roe Tagliolini
接住就系全个餐阿叔最钟意嘅蟹黄瑶柱姬菇蒸蛋同大闸蟹粉义大利面，前者蒸蛋中加入蟹黄酱、干贝同姬菇，口感嫩滑，食到浓浓嘅蟹黄味，加碗白饭就啱晒；后者喺餐厅自家制嘅手工义大利面上加上同样味道浓郁嘅蟹粉酱，意粉够弹牙、有咬口，如果有更加多酱就好喇！
🐟Pan-Seared Red Seabream Fillet
🐖Iberico Pork Loin
主菜方面，可拣鲷鱼或者猪柳肉。鲷鱼煎到外脆内软，猪柳就肉质够嫩。为保留原有鱼同猪肉嘅鲜味，虽然同样地两款菜式都加上大闸蟹酱调味，不过蟹酱嘅味道比起蒸蛋同意粉就淡番少少，
🍨Sweet Potato & Ginger Soup Jelly
🥃Oriental Botanical Digestif - Roselle
有别于一般中式蟹宴以姜茶结尾，今次餐厅特别以姜汁蕃薯糖水整成嘅啫喱，配埋蕃薯麻糬同云呢拿雪糕代替，再饮埋杯以洛神花、红枣、当归等成份酿造而成嘅Roselle帮你驱寒暖胃。建议将少少酒加入甜品捞埋一齐食，味道会更出色，大家一定要试！
张贴
