德家日式燒肉店 (已結業)

爸爸话想食烧肉放题，做女嘅梗系即刻book间放题餐厅同佢食啦 。拣咗旺角创兴广场嘅德家烧肉，因cp值高，二百几蚊又有各种肉类，又有海鲜，日式主菜无限任食，出面又有得攞沙律 ，前菜 ，例如糖心蛋，麻酱豆腐，又有好多款饮品。 肉类嘅选择都好多，单单系牛都有大约十款，例如牛脊肉， 一口牛，牛舌，牛胸腹等等 。还有鸡腿肉，五花腩，羊架等。海鲜方面最喜欢虾，因为超新鲜，肉质非常弹牙，不断encore.我还爱吃烧菠萝，烧甜玉子，烧日本番薯仔。 我个人推介一定要试下海鲜粥，因为食咁多肉，有啲粥暖下胃，有啲米气落肚，个肚舒服好多，而且海鲜粥好足料，食到有一条条嘅蟹肉，海鲜味好浓，所以好美味。最后，除咗可以出去攞唔同嘅甜品之外，仲可以每人叫一款雪米糍，有三种口味，选择有芒果味，香芋味同云呢拿味，食埋个雪米糍就非常饱。