La Pizza Express

营业中

休息中

相信一般都市人假日都希望远离繁嚣，到海边走走过慢活人生，而我亦都唔例外，不过，舟车劳动去沙滩未免有点辛苦，所以，我选择到城市中既绿洲 - 观塘海滨长廊过一个悠闲星期六。其实观塘海滨长廊除咗景靓之外，沿途仲有餐厅，我今次就去咗La Pizza Express开餐。La Pizza Express 顾名思义就知道主打Pizza，另外，仲有三文治、沙律及小食等选择。我随意点咗3款食物，同bff一齐食，包括： 素牛肉芝士薄饼、烟三文鱼凯撒沙律及牛仔肠。素牛肉芝士薄饼薄饼入口香脆，有阵阵焦香味，而pizza上面舖满咗素牛肉，芝士，仲有车厘茄，味道有d似平日食开既肉酱蕃茄汁，但素牛肉既肉味反而比较浓郁，配埋芝士既香味，赞。烟三文鱼凯撒沙律烟三文鱼份量非常多，入口充满烟熏同埋咸香味，而凯撒沙律罗马生菜口感爽脆清新，夹住香脆既面包粒粒，同埋酸酸甜甜既车厘茄，令人越食越开口。牛仔肠牛仔肠胆衣香脆，入口唔会有一般肠仔既重油腻感，相反，牛仔肠即肉味好浓厚，加埋沙律一齐食，感觉好match。