影片
更多
2023-04-26
133 浏览
打边炉钟意任食牛嘅你，相信对616都唔会陌生，任何牛嘅刁钻部位都可以喺呢度食到！餐厅最近推出咗信州和牛祭🎌信州和牛系以苹果饲养嘅牛，所以营养价值高、食落肉质特别鲜甜柔软！$200多啲就可以食到由日本长野县直运到港嘅信州和牛，包括牛肩胛、牛腹肉同赤身三大部位‼️咁多位牛魔王唔好错过喇😈▻ 鸳鸯沙牛汤底 ($82)分别系牛骨清汤同熔岩沙嗲汤😍沙嗲汤花生味浓、带微辣，重口味之选🤣牛骨汤底好多牛腩萝卜，牛味非常浓郁，非常足料～▻ 特选和牛盛 ($234)叫呢个最新推出嘅和牛盛拼盘，会送澳洲五花趾，大家不妨留意下🤩日本直送嘅信州和牛，性价比几高，分别有牛肩胛、牛腹肉、赤身，三款当中牛肩胛最出色，望落肥瘦均匀、纹理好靓😍入口鲜嫩软稔；赤身比较瘦，但牛味亦突出，啱哂啲唔中意肥膏嘅朋友；牛腹肉𠝹左一条条坑纹，口感特别🥰三款牛肉都相当出色🤤如果想细尝牛味嘅朋友就要落牛骨清汤，因为沙嗲汤太浓郁，可能会遮盖咗牛味🙈▻ 澳洲五花趾 (赠送)牛嘅后腿部位，算系较稀少嘅部位嚟🤣筋位会比较多，但入口几爽！▻ 胸口膀 ($48)又称胸口油，系牛胸肉嘅脂肪，都属稀少部位～白色嘅胸口膀好有咬口带脆感，油脂甘香😋不过始终系脂
打边炉钟意任食牛嘅你，相信对616都唔会陌生，任何牛嘅刁钻部位都可以喺呢度食到！餐厅最近推出咗信州和牛祭🎌信州和牛系以苹果饲养嘅牛，所以营养价值高、食落肉质特别鲜甜柔软！$200多啲就可以食到由日本长野县直运到港嘅信州和牛，包括牛肩胛、牛腹肉同赤身三大部位‼️
咁多位牛魔王唔好错过喇😈
▻ 鸳鸯沙牛汤底 ($82)
分别系牛骨清汤同熔岩沙嗲汤😍
沙嗲汤花生味浓、带微辣，重口味之选🤣牛骨汤底好多牛腩萝卜，牛味非常浓郁，非常足料～
▻ 特选和牛盛 ($234)
叫呢个最新推出嘅和牛盛拼盘，会送澳洲五花趾，大家不妨留意下🤩
日本直送嘅信州和牛，性价比几高，分别有牛肩胛、牛腹肉、赤身，三款当中牛肩胛最出色，望落肥瘦均匀、纹理好靓😍入口鲜嫩软稔；赤身比较瘦，但牛味亦突出，啱哂啲唔中意肥膏嘅朋友；牛腹肉𠝹左一条条坑纹，口感特别🥰
三款牛肉都相当出色🤤如果想细尝牛味嘅朋友就要落牛骨清汤，因为沙嗲汤太浓郁，可能会遮盖咗牛味🙈
▻ 澳洲五花趾 (赠送)
牛嘅后腿部位，算系较稀少嘅部位嚟🤣筋位会比较多，但入口几爽！
▻ 胸口膀 ($48)
又称胸口油，系牛胸肉嘅脂肪，都属稀少部位～白色嘅胸口膀好有咬口带脆感，油脂甘香😋不过始终系脂肪会有点油腻，好快滞未必个个钟意食，或者同多啲朋友嗌嚟share试新野都ok！
▻ 牛舌 ($48)
牛舌都几大片，渌10几秒左右就食得！厚度适中，口感爽弹🥰
▻ 手打牛筋丸(半打) ($30)
牛筋丸好弹牙，有少少牛筋，牛味浓厚之余口感不错👍🏻
▻ 黑豚浓汤饺 ($68)
饺子入面充满汤汁😍馅料几足，不过略嫌饺子皮少厚🙈
▻ 莴笋 ($28)
莴笋份量几多😍晶莹通透，口感爽脆又鲜甜～
▻ 响铃 ($28)
响铃同熔岩沙嗲汤系绝配，吸尽沙嗲汤汁精华，正！
▻ 菊花桂圆露 ($16)
味道唔会太甜，有啖啖菊花香气好清新🥰
总结：食尽牛嘅不同部位，性价比之选！信州和牛拼盘真系大满足，钟意每样试少少嘅绝对要嚟食！
张贴
