Greyhound Café (國際金融中心) (已結業)

是日星期日，踏入秋天既季节，正系行山既好时候，今日系同朋友们行山之前黎到食泰国fusion 菜既Greyhound到食午餐，为左唔想等位，我地预早一日已经BOOK 定台。薄切三文鱼配泰式酸辣汁: 质感肥美既三文鱼配上泰式酸辣汁，加入刁草、生蒜片、泰式辣酱等，出奇地夹，味道新奇好味！鲜虾炒金边粉: 上菜已经闻到好香，金边粉比较干身，唔太油，加入鲜虾，洋葱同蛋，炒得好入味，仲有青柠, 花生, 芽菜同埋辣粉放系碟旁，捞埋一齐食真系食到佢既香味，食落有多重口感!泰式辣汁青木瓜沙律: 青木瓜沙律口感爽甜，配合同样爽脆既红萝卜丝同埋泰式辣汁，酸得黎仲带微辣，带俾我地清新既感觉，真系一个几开胃既前菜。