はま寿司

营业中

休息中

坑口除左元气、寿司郎、争鲜，又再开多间回转寿司喇，又可以多个选择，一个星期四日都可以食唔同寿司，正呀。预先网上订位，订左 6:45，都好高效率，6:48 已经可以入座。因为新开张，所以都好光猛新净。但座位编窄，4人卡位真系迫迫地，如果要放埋外套同手袋，真系有 d 坐得唔算舒服，枱面好细但要放餐具、酱油，净番枱面位置好少。反而通道就非常阔落，设计上有 d 浪费，通道可以缩减少少，座位加番阔少少。一样系用 pad 落单，食物都好快就送到。酱油有5款口味，好劲。推介味道 ok 既 : 大切生三文鱼，够大件够厚、炙烧鳗鱼，虽然比较细片，但有炙烧味、炙烧焦糖三文鱼腩，焦糖烧到有 dd 脆，甜甜咸咸咁几好味、香辣京葱丝吞拿鱼蓉，吞拿鱼蓉加埋辣油，好过瘾、吉列蚝军舰，只蚝都算大只，外面炸得好松脆。唔推介既 : 长鯺吞拿鱼、油甘鱼、𫠒鱼小丸子。街坊可以食吓，唔系住附近既唔使专登过黎食。