影片
更多
2019-04-17
975 浏览
小小猪近期爱上食自助餐，紧系啦....可以自己拣佢钟意食嘅嘢，又可以唔洗坐定定系餐厅内行来行去，绝对系佢最钟嘅事。见港岛太平洋酒店嘅自助餐换左以日式为主题嘅「味历东瀛」，复活节假期冇得外游日本，咁就嚟食一个丰富自助餐感受下日本气氛嚟止下瘾啦~ 为食嘅小小猪一听到去食BUFFET就急急脚劲兴奋咁出发啦~ 冰镇海鲜盘绝对系第一个推介位，有波士顿龙虾、鳕场蟹脚、纽西兰青口、翡翠螺、大虾同埋蚬，每一种海鲜都好鲜甜，我个人就最钟意龙虾同埋翡翠螺，唔觉唔觉食左劲多，又将减肥计划忘记了...哈哈哈~ 冷盘小食种类都几多，为左今次东瀛主题，都有两款口味嘅冷面添~当然仲有刺身同寿司啦~ 第二个推介位就系食个即点即烧嘅炉端烧，佢嘅种类都好多，小小猪话𠮶个和牛串、墨鱼串同埋小蕃薯好好食，不过佢就钟意睇住厨师哥哥即刻烧多啲，每次出去拎嘢食都一定睇一转先返埋位~ 仲有厨师即煮嘅日式拉面，仲有三款汤底任拣，依个就系老公推介(佢食左两碗呀)，佢话个汤底唔错，啲面仲好弹牙~ 热食方面都有惊喜，基本上好多日式菜式都可以见到，好似有关东煮、干贝炒面大阪烧、和风芝士牛蒡炒饭、咖喱豚肉寿喜烧...
见港岛太平洋酒店嘅自助餐换左以日式为主题嘅「味历东瀛」，复活节假期冇得外游日本，咁就嚟食一个丰富自助餐感受下日本气氛嚟止下瘾啦~
为食嘅小小猪一听到去食BUFFET就急急脚劲兴奋咁出发啦~
冰镇海鲜盘绝对系第一个推介位，有波士顿龙虾、鳕场蟹脚、纽西兰青口、翡翠螺、大虾同埋蚬，每一种海鲜都好鲜甜，我个人就最钟意龙虾同埋翡翠螺，唔觉唔觉食左劲多，又将减肥计划忘记了...哈哈哈~
冷盘小食种类都几多，为左今次东瀛主题，都有两款口味嘅冷面添~
当然仲有刺身同寿司啦~
第二个推介位就系食个即点即烧嘅炉端烧，佢嘅种类都好多，小小猪话𠮶个和牛串、墨鱼串同埋小蕃薯好好食，不过佢就钟意睇住厨师哥哥即刻烧多啲，每次出去拎嘢食都一定睇一转先返埋位~
仲有厨师即煮嘅日式拉面，仲有三款汤底任拣，依个就系老公推介(佢食左两碗呀)，佢话个汤底唔错，啲面仲好弹牙~
热食方面都有惊喜，基本上好多日式菜式都可以见到，好似有关东煮、干贝炒面大阪烧、和风芝士牛蒡炒饭、咖喱豚肉寿喜烧.....，依啲全部都好啱小小猪口味呀~
当然仲有天妇罗同日式炸鸡啦~
就连小小猪平日好钟意食嘅日式炖蛋都有呀~
YEAH....我地开大餐啦~
食饱饱主菜就紧然开始食甜品，啲甜品都好有日本风，细细件够精致，而且味道都唔错，入口唔太甜，真系唔觉唔觉食左好几件呀~
仲有我钟意食嘅蕨饼，睇住厨师师现场即制黑糖同抹茶蕨饼，真系特别好食呀~
小小猪就紧系钟意食依个即叫即整嘅焙茶鸡蛋仔，估唔到茶味鸡蛋仔又几特别~
仲有即叫即整嘅棉花糖~
食棉花糖啫...唔洗咁狼C样呀...哈哈哈~
食埋杯小小猪至爱嘅Häagen-Dazs雪糕，咁就真系完美啦~
今日小小猪真系食左好多嘢，可以话系有史以来最多嘅，佢个肚真系食到好似胀爆咁，所以话呢.....我地三口子都食到超满足饱饱咁走。
小小猪未离开酒店就已经话下次又要再嚟，咁佢嘅价钱又唔算贵，加上食物都唔错，所以都真系可以再嚟ENCORE呀！
张贴
