影片
更多
2024-01-27
1019 浏览
韩国过江龙Terrace in seaside最近有新搞作，今次去咗Terrace in seaside x Care Bears 主题联乘餐饮「Care Bears in Terraceland」，一共推出咗五款联乘菜式，每款都好可爱同埋有惊喜，加上到处都系色彩缤纷嘅Care Bears 公仔摆设，充满少女心，好适合打卡。熊仔头狮蚶拌饭以Care Bears 熊仔头造型好可爱，饭粒沾上韩式辣油，色泽均匀，饭粒粒分明，味道微辣，好惹味。蛳蚶份量十足，蛳蚶嘅鲜味同韩式辣酱嘅香辣味完美结合，另外配有几只大虾，大虾爽口弹牙。旁边仲有爽脆沙律菜同埋香甜嘅济州柑橘。爱心传播饭卷联乘餐饮用上韩国经典菜式饭卷，砧板上有熊仔头图案，可爱有心思。饭卷色彩缤纷，好似彩虹咁，渐变色彩好特别，材料有韩国米、紫菜、红萝卜、青瓜丝同埋蛋丝，味道咸咸地，食落好脆口。Care Bears彩云窝夫窝夫外脆内软，蛋香味十足，配上幻彩忌廉同埋彩针糖作为点缀，好有梦幻嘅感觉，忌廉充满奶油香，另外夹住香甜回甘嘅柑橘果肉，口感丰富。Care-a-lot彩虹乐园蛋糕以七色彩虹为主题，重现Care Bears缤纷活力嘅感觉，七彩蛋糕
韩国过江龙Terrace in seaside最近有新搞作，今次去咗Terrace in seaside x Care Bears 主题联乘餐饮「Care Bears in Terraceland」，一共推出咗五款联乘菜式，每款都好可爱同埋有惊喜，加上到处都系色彩缤纷嘅Care Bears 公仔摆设，充满少女心，好适合打卡。
熊仔头狮蚶拌饭
以Care Bears 熊仔头造型好可爱，饭粒沾上韩式辣油，色泽均匀，饭粒粒分明，味道微辣，好惹味。蛳蚶份量十足，蛳蚶嘅鲜味同韩式辣酱嘅香辣味完美结合，另外配有几只大虾，大虾爽口弹牙。旁边仲有爽脆沙律菜同埋香甜嘅济州柑橘。
爱心传播饭卷
联乘餐饮用上韩国经典菜式饭卷，砧板上有熊仔头图案，可爱有心思。饭卷色彩缤纷，好似彩虹咁，渐变色彩好特别，材料有韩国米、紫菜、红萝卜、青瓜丝同埋蛋丝，味道咸咸地，食落好脆口。
Care Bears彩云窝夫
窝夫外脆内软，蛋香味十足，配上幻彩忌廉同埋彩针糖作为点缀，好有梦幻嘅感觉，忌廉充满奶油香，另外夹住香甜回甘嘅柑橘果肉，口感丰富。
Care-a-lot彩虹乐园蛋糕
以七色彩虹为主题，重现Care Bears缤纷活力嘅感觉，七彩蛋糕每层都夹有奶油，入口细致，味道甜甜地，配上酸酸哋嘅砂彩虹软糖条，造型营造出欢乐乐园嘅气氛。
Starbuddies 紫薯南瓜冰
紫薯南瓜冰有蓝、紫同埋黄色，层次感分明，饮品充满香浓紫薯同埋南瓜味道，顶部嘅忌廉铺满咗蜜糖星星同埋彩针糖，口感丰富，饮到底部仲有珍多条，质感爽滑，味道清甜。
济州柑橘乳酪
柑橘乳酪系招牌饮品，用上济州特产柑橘，新鲜柑橘果肉配上乳酪打制而成，味道微甜清新，清暑开胃，上面仲有成个柑橘装饰好吸睛。
张贴
