雲壽司 (聯成商業中心)

营业中

休息中

一个月前食完尖沙咀亲民价嘅Omakase后，阿叔又身痕想食喇！今次转战番嚟港岛区，嚟到铜锣湾。同上次𠮶间一样，呢间同样系米芝莲推介餐厅 - 寿司翔太嘅分店，有咗上次经验，阿叔绝对相信呢间嘅食物质素亦一样有所保证。.北海丼($188) - 非常足料嘅海鲜丼，一碗有齐吞拿鱼腩、油甘鱼、赤贝、牡丹虾、海胆、三文鱼、三文鱼籽共7款刺身，款款都新鲜肥美，味道鲜甜。呢个价钱包埋面豉汤同沙律，以铜锣湾地舖再加上水准唔错嘅食物质素，真系相当抵食。如果想再食好啲，佢哋一样有Omakase提供，价钱由$380 (10件寿司)至$680 (7件寿司加7件刺身)，下次阿叔要再嚟！