九州鯛魚 (已結業)

西湾河太安楼出名多美食，但我就好少去，今日抽起条筋收工去揾野食，地铁站一出对面就系喇，交通方便不特止，中西日韩意法日真系咩都有得你选择，但我对日本有情意结，咁紧系揾返间日式料理啦！呢间九州鲷鱼门口非常之日系，真系思乡病发作，入到去感受好大，装修非常令视觉扩阔左唔少空间。餐牌真系好多选择，又再令到我选择困难症发作😂😂见到隔离饭香，我照跟，点左个十和田牛肉饭定食（$98），首先个昆布福袋内既昆左真系爆满同埋，唔好以为会淡茂茂，错喇，系好食到想大叫😂😂；中华沙律同沙律菜就无乜特别，唔差；到个汤喇，未打开以为系一碗普通既面豉汤，原来系一碗鲷鱼汤，系100分好味，好重鲷鱼味，鲷鱼味好浓最紧要系够热🔥，大口大口咁饮，令到个人身心好舒畅☺；到主菜喇，十和田牛肉，肉质好淋，唔好同普通牛肉饭比，系无得比既，味道调得唔错，真系日本野系いちばんですよ👍🏻要赞美一下的是店员，非常之亲切友善，会拿胶袋比客人放口罩、又会主动添加茶、又会系适当嘅时候为你送上牙签。呢份主动系会令到客人好窝心💗💗最后埋单盛为$98，我感到我今日太安楼之觅食真系不枉此行。