鯛魚湯專門店 (已結業)

前排睇大台嘅饮食节目推介鲷鱼汤专门店，作为鱼汤爱好者，当然要去试下啦。今日叫咗:皇帝蟹脚海胆汤饭 (加象拔贝)皇帝蟹脚汤乌冬(加鲍鱼、鲷鱼同八爪鱼)冰滴奶茶等咗一阵，Mr.J嘅皇帝蟹脚汤乌冬先送上。配料嘅会用另一只碗仔装起，唔洗起茫茫大碗揾返出嚟。鲍鱼仔好厚身，鱼汤渗入鲍鱼，更加鲜甜美味。乌冬煮得啱啱好，唔会太淋，而且每条乌冬都沾上蟹脚味嘅鱼汤，好味。我嘅皇帝蟹脚海胆汤饭系锅饭上，一路食一路加热住（唔洗担心个火，到差唔多时候会熄）。海胆嘅份量唔少，淋一两匙热汤上海胆再放入口，加上有少量饭素喺海胆底，鲜味十足无腥味。皇帝蟹脚并唔系普通一般假蟹柳，而系足足有6条连壳嘅蟹脚，每条至少有一只手指咁粗，仲要去咗少少壳方便食客拆出嚟食，蟹肉配鱼汤好新鲜。饭因为有鲷鱼汤、海胆同皇帝蟹脚嘅鲜味，变得更加鲜香扑鼻。(因为太好味，我最后一滴鱼汤都无净)鱼汤象拔贝好爽口又鲜甜。冰滴奶茶都唔错。