影片
更多
2019-10-14
2637 浏览
又到一年一次细妹嘅生日饭，揾食地点都喺就番细佬妹佢哋拣深水埗区。上次同朋友去完耀东街食饭，就再过嚟元洲街食糖水时，路经呢一家「红蕃茄餐厅」，睇吓啲定价都相宜，就谂定细妹生日饭晌度食。餐厅嘅定位属于「豉油西餐」，亦可以睇为高档啲嘅茶记，因为卖嘅菜式乜都有。而餐厅嘅环境几企理，睇落都似似哋啲高级餐厅架，铺晒枱垫，摆好晒刀叉……等等，不过，装咗啲大电视俾街坊客𩠌吓饭。餐牌有可能影唔晒，似喺漏咗一、两版，不过，加埋放晌门口嘅是日晚餐，以及里面一啲特别餐牌，大概都了解了有啲咩选择，确喺几多元化。基本上，啲餐都包晒餐包、餐汤、餐饮及简单嘅甜品，最出奇喺竟然加一都唔收㖞。蒜蓉包先登场喺餐包、餐汤，选择喺一贯好港式嘅豉油西餐选项，简单嘅蒜蓉包，够蒜蓉，够香草，搽足牛油，都唔会回点唔好食。蕃茄薯仔汤红汤叫就话叫蕃茄薯仔汤，但跟家常嘅喺一样，反而极似罗宋汤，好浓郁，只喺少咗个辣度而已，否则，一定误以为喺罗宋汤。粟米蘑菇忌廉汤白汤就会喺忌廉汤，浓稠度啱啱好，唔会过杰或过稀，汤内亦放咗唔少蘑菇，意外地唔喺罐头货𠮶啲㖞，算有诚意呀！晚餐F（比目鱼拼春鸡）$98细妹就选个双拼晚餐，都几好架，可以6拣2，弹性大，而
餐厅嘅定位属于「豉油西餐」，亦可以睇为高档啲嘅茶记，因为卖嘅菜式乜都有。而餐厅嘅环境几企理，睇落都似似哋啲高级餐厅架，铺晒枱垫，摆好晒刀叉……等等，不过，装咗啲大电视俾街坊客𩠌吓饭。
餐牌有可能影唔晒，似喺漏咗一、两版，不过，加埋放晌门口嘅是日晚餐，以及里面一啲特别餐牌，大概都了解了有啲咩选择，确喺几多元化。基本上，啲餐都包晒餐包、餐汤、餐饮及简单嘅甜品，最出奇喺竟然加一都唔收㖞。
蒜蓉包先登场喺餐包、餐汤，选择喺一贯好港式嘅豉油西餐选项，简单嘅蒜蓉包，够蒜蓉，够香草，搽足牛油，都唔会回点唔好食。
蕃茄薯仔汤红汤叫就话叫蕃茄薯仔汤，但跟家常嘅喺一样，反而极似罗宋汤，好浓郁，只喺少咗个辣度而已，否则，一定误以为喺罗宋汤。
粟米蘑菇忌廉汤白汤就会喺忌廉汤，浓稠度啱啱好，唔会过杰或过稀，汤内亦放咗唔少蘑菇，意外地唔喺罐头货𠮶啲㖞，算有诚意呀！
晚餐F（比目鱼拼春鸡）$98细妹就选个双拼晚餐，都几好架，可以6拣2，弹性大，而酱汁可选黑椒、蒜蓉或烧汁，可配白饭、意粉、薯菜，甚至什果沙律都得。比目鱼有一大件，啲鱼肉颇为嫩滑，都有朕朕鱼鲜味，而春鸡亦有半只份量，夹埋都唔嘢少，再者，烤焗得皮脆肉香，肉质嫩滑又富肉汁。
铁板黑椒西冷牛扒 $79细佬就想食铁板餐，初时都怕件扒得6安士惊佢唔够，但送到上枱，真喺觉得唔止6安士，加上配白饭，放心晒唔怕唔够食。送到嚟先再淋上黑椒汁，咋咋声，香气扑鼻。件西冷牛要7乘熟，试咗一小件，我就觉得只有5乘多啲，幸而肉质唔错，都几软腍，有肉味。
晚餐B（越南盲𫚧鱼）$88老婆就唔喜欢红肉，所以，晚餐中以盲𫚧啱佢多啲，跟蒜蓉汁，配薯菜。一整条盲𫚧香煎，虽然简单，但煎得皮脆肉嫩，轻轻沾少许蒜蓉汁，感觉好唔错，薯菜喺炸粗薯条同罗马生菜，前者脆而不腻，后者清新爽脆。
黑松露羊架忌廉意大利饭 $108意大利饭一晌好「虾」人煮，唔喺间间都煮得好食，加上羊架喺小弟喜好嘅食材之一，少少顺利成章就拣呢一道意大利饭。个饭睇起嚟有啲似粥，不过，搅一搅，食落又唔觉，湿润得嚟，饭粒保持到米心硬硬哋，亦带有幽香嘅黑松露香气，算做得唔错。两支羊架都煎得火喉啱啱好，焦香而嫩滑，羊膻味唔太重，有质素。
雪糕、啫喱是日甜品一喺就薄荷朱古力雪糕，一喺就细细杯嘅啫喱（加花奶），两款甜品都喺好「怀旧」，尤其后者，所以，两款都试试，当然，喺无惊喜啦。
热咖啡餐饮只喺简单要杯热咖啡，不过，感觉麻麻，唔似港式咖啡，入口有啲涩味，又好似有啲炒㶶咖啡豆冲出嚟嘅气味。
虽然餐厅用上Cafe名字，但营运模式、食物嘅种类，都好似花园餐厅一类嘅港式西餐。几款主菜，虽然称唔上好高水准，但算喺做得唔错，加上份量足，定价又亲民，招呼几好，又无加一添。怪唔之得，见有唔少客都同啲店员或老细有倾有讲，相信有唔少街坊客支持。
张贴
