影片
更多
2023-06-25
4049 浏览
「吉列」喺其中一类甚讨欢心嘅菜式，相信亦有好多人都钟意，而日本嘅吉列又真喺做得确有一手，最近，就知一间日本过江龙餐厅「豚胜」落户香港，故此，就同朋友今晚嚟到「圆方」会一会佢，试试佢哋吉列猪嘅魅力。餐厅铺面好大，门口左边，设咗啲等候位，如遇正人多，都可以坐住嚟等，尤其有老人家或小朋友，唔使被罚企。此外，晌呢个位仲做咗啲猪仔装饰，都几可爱，算喺个打卡位。餐厅嘅装修明显就喺走简约木系和风，一室简洁明亮，灯光柔和。而近门口有一排吧位，最啱得一个人嚟自己食。再走入嘅，就喺主用餐区，都喺啲2、4人枱，始终打着过江龙嘅名气，所以，断断续续咁，全场近乎满座。我哋刚好被安排坐晌一角，方便倾偈。此外，其实铺面正对面仲有一个用餐区，话大唔大，话细唔细，环境同事都几雅致。顺带一提，招呼好唔错，侍应态度殷勤，不时主动添茶。虽然话主打喺吉列，其实，都有非常多选择，以分类计，包括：炸物、丼物、咖喱、面食、和食、小食，仲有埋儿童餐。既然店名以「豚」字起首，其里肌猪同猪柳自不然咪错过啦！而饮品方面，有多款清酒、烧酎、果酒、啤酒及果味梳打……等等。正所谓「工欲善其事，必先利其器」，食吉列豚都要有个好配搭，先嚟碗白芝麻俾你
餐厅铺面好大，门口左边，设咗啲等候位，如遇正人多，都可以坐住嚟等，尤其有老人家或小朋友，唔使被罚企。此外，晌呢个位仲做咗啲猪仔装饰，都几可爱，算喺个打卡位。
餐厅嘅装修明显就喺走简约木系和风，一室简洁明亮，灯光柔和。而近门口有一排吧位，最啱得一个人嚟自己食。
再走入嘅，就喺主用餐区，都喺啲2、4人枱，始终打着过江龙嘅名气，所以，断断续续咁，全场近乎满座。我哋刚好被安排坐晌一角，方便倾偈。
此外，其实铺面正对面仲有一个用餐区，话大唔大，话细唔细，环境同事都几雅致。顺带一提，招呼好唔错，侍应态度殷勤，不时主动添茶。
虽然话主打喺吉列，其实，都有非常多选择，以分类计，包括：炸物、丼物、咖喱、面食、和食、小食，仲有埋儿童餐。既然店名以「豚」字起首，其里肌猪同猪柳自不然咪错过啦！而饮品方面，有多款清酒、烧酎、果酒、啤酒及果味梳打……等等。
正所谓「工欲善其事，必先利其器」，食吉列豚都要有个好配搭，先嚟碗白芝麻俾你手动研磨，再加上自家制嘅酱汁，食出独特风味。仲有另外两款酱：紫苏沙律汁同柚子酱，等你配以其他菜式。
静冈绿茶可乐、完熟水蜜桃汽水 $48谂住食吉列猪扒，点都要揾啲汽水饮品爽一爽吓嘅，老友就要咗个绿茶可乐，小弟试咗一小啖，又真喺几有可乐味，又有啲绿茶香，几个瘾。我就拣咗个水蜜桃汽水，蜜桃味清香，感觉非常之清爽，衬热焫焫嘅吉列猪扒就啱晒。
吉列大海老配猪柳定食 $258我哋所拣嘅两款定食都思考过嚟，一次过就可以试到里肌猪、猪柳、大海老同佢哋嘅咖喱。先分享呢一款大海老拼猪柳，配以大量爽脆嘅椰菜丝，非常有睇头，而椰菜丝同白饭都可以无限量添加。先讲只吉列大海老，唔使多讲，坚大只，虾肉鲜味十足，口感弹牙，虾头仲有少少虾膏；猪柳亦都非常正，肉质好软腍，又够晒肉味，沾上酸香嘅猪扒酱，「脂」味更上一层楼。
吉列大海老配猪柳定食
$258
12 浏览
0 赞好
0 留言
咖喱吉列厚切里肌猪扒定食 $228每道定食都会配上面豉汤、萝卜渍，前者做香浓，面豉味甚突出，而后者酸香爽脆，甚有清清味蕾之效。讲到件吉列厚切里肌猪扒，炸得色泽金黄，一口咬落去，咔嚓脆口到不得了，又唔油腻，而肉质松化，富肉汁，却带点脆口感，沾上咖喱就更正；而咖喱有别一贯日式咖喱带甜嘅印象，反而辛味几强劲，但辣得嚟点到即止，唔会太呛喉。另外，还伴有一只「炸蛋」，很有流心效果，真喺几得！
咖喱吉列厚切里肌猪扒定食
$228
19 浏览
0 赞好
0 留言
不愧过江龙，有一定质素，事后先慢慢睇番个餐牌，原来啲豚肉喺以日藉主厨嘅法式做法，先用低温慢煮处理，然后再炸至9成熟，赞呀！
张贴
