Simplylife Foodplace

营业中

休息中

晌金钟政府合署处理完文件后，落返中环途经「冠君大厦」，想起下面有间「Simplylife」，曾经喺「中环置地店」（现在已关门大吉）食过佢哋嘅烘焙产品，觉得靓正，所以，贪口痕又买个返公司作为下午茶。呢间舖位都几大，不过主要都喺卖走食，所以唔特别参观。直接行过去饼柜望望，睇见啲烘焙产品已经好吸引，款式又多、又靓。睇睇有咩心水先，当然拣番丹麦酥，因为喺最心水嘅产品款式。之前就晌中环店试过榛子丹麦酥，真喺好正，不过今次就改改口味。肉桂丹麦酥 $21除咗外袋，里面仲包多一层包装纸，够晒卫生，打开晒啲包装纸，散出阵阵玉桂香，唔叫话好犀利，但都一阵阵香气，外层仲黐满杏仁片，卖相靓仔。切开睇睇，中间有好强空气感，所以，食落好松软，然而，外层却又好脆口，配杯咖啡，喺好叹嘅办公室下午茶。对比起有馅嘅丹麦酥，如之前所试嘅榛子酱，或者士多啤梨、蓝莓，都觉得比起呢一个肉桂会更正。