泰金國

营业中

休息中

如果有去过呢间舖头嘅朋友仔，一定见到每次都大排长龙，因为一次机缘巧合， 6:00就去到九龙城，当时人龙都仲未出现，梗系嗱嗱声入去试吓啦，点知试完之后竟然令我一试难忘。首先食咗佢嘅烤牛肉，牛肉嘅软硬度适中，而且肉味丰富，再配埋佢哋自家制嘅酱汁，实在令到牛肉嘅味道更加提升到佢另一个层次。之后再去试咗佢嘅蒜蓉包，虽然系普通嘅蒜蓉包，但系蒜蓉味充足，而且足料，唔会好似其他舖头咁，得好少蒜蓉或者好少牛油。再食埋佢嘅泰式炒金边粉，金边粉充满镬气，而且配料充足，份量亦都好大份，我同女朋友两个食都食唔晒，最后仲要打包返屋企，通常唔系特别好食嘅嘢我哋都唔会打包返屋企，但系呢一碟金边粉真系值得我哋由九龙城拎返去屯门嘅屋企。最后我哋食咗佢嘅飞天通菜，如果你系一个钟意食辣嘅朋友，咁就啱晒因为辣味同菜互相配合，辣味完全渗入菜叶入边，好似融为一体咁。