大公雞 (已結業)

十年难得一去既地方-葵兴，如果唔系我个朋友拖住个细路俾番D野我，我都未必会去。放工交收完，想食D野先再坐长途车返屋企，朋友仔介绍大公鸡。佢话抵食又唔错，于是我由葵兴地铁站经过条行人天桥去到一个叫LCC MALL，入到去上电梯一层就见到了。入到去都唔算多人，唔洗等就有得坐。环境都几舒适，黑黑地。见到套餐既餐牌价钱非常抵，$108有口水鸡、炸饺子、油菜、鲁肉饭，可惜一个人食唔晒! 最后叫左火车排骨肉燥饭同热金桔柠檬。火车排骨肉燥饭﹕职员问可以另上一碗鲁肉，我当然可以啦! 排骨加鲁肉，估唔到非常MATCH! 排骨炸粉皮不是太厚，炸得松化，而且肉质很嫩。鲁肉饭既饭量对我黎讲都几足够，配上鲁肉和鲁肉汁，酱汁不是太稀和"杰"，刚刚好，而鲁肉咬下都烟韧。最后奉上热金桔柠檬，不过不失。