元氣一杯

营业中

休息中

一个人喺尖沙咀做完野，挣扎咗好耐食咩野午餐。为食既我难得有机会食自己钟意食既野，唔驶考虑其他人，我即刻想起要食日本菜。尖沙咀既日本餐厅多的是，我想揾一间其他区域系无分店既，自己一个食又唔尴尬既，最后我拣咗“元气一杯”12点几上到去，门口已经有人坐喺出面等位。喜欢呢间餐厅，连等位都令我觉得自己去咗日本咁。坐咗一阵，就轮到我啦！餐厅门口入去分左右两边，左边有个bar枱，主要系一个人去食既时候会坐既位置，有时人多亦会安排2人坐，另外仲有少量卡位，同埋最入面有间细房，大约可以8-10人坐；右边主要系方枱，亦有少量卡位。今日可能单人来食lunch既人比较多，成个bar枱坐满哂人，最后我竟然被安排一个人坐卡位真系幸运呀！拣餐厅难，入到餐厅拣野食更难呢度既午餐选择好多，价钱好合理最后我选择咗其中一个挚爱：南蛮鸡，白饭就转咗要十六谷米，餐饮就要柠檬茶除咗主菜同埋碗饭之外，仲有前菜、配菜、面豉汤、蒸蛋、水果，真系超丰富呀！最重要系佢既味道真系好有日本家庭料理既味道走既时候，发觉美丽华商场好多餐厅都好冷清，唉希望元气一杯做得住啦！