品越越式料理 (雅蘭中心) (已結業)

仲有一日先返工，一个人去咗旺角行街，想揾食又见到呢间越南餐厅就上咗去食。可能仲未系午膳时间，入面人就唔算多，坐得舒服。其实我食越南嘢就只会食𠮶几样嘢，今日都唔例外，叫咗生牛河同牛油鸡翼，个生牛河系餐嚟，加钱饮菠萝热情果梳打。生牛河：好食嘅，牛肉就算浸熟咗都好嫩，汤头算浓郁，但可能食惯檬粉，觉得河粉冇咁夹。法式牛油鸡翼：可能即叫即整，我食晒碗粉后都仲要成5分钟先有得食。上菜时几精致，用个篮仔装住，摆得几靓。个皮几脆，鸡翼入口好滑，但味道就唔算浓，可能个人口味比较重，觉得牛油蒜蓉味较重会好食d，呢度系口感胜过味道菠萝热情果梳打：冇特别嘅饮品，个人对果准梳打有偏好所以一定觉得唔差，但比较细杯，单叫就唔太抵，餐饮加钱先觉得可以一个人食咗150蚊，当然唔系平啦，不过辛苦揾嚟志在食，得闲对自己好d，生活亦开心d，味道唔差下就可以接受。