影片
更多
2010-08-04
66 浏览
上星期某日, 师傅单拖走左去睇 “唐山大地震”, 点解单拖? 皆因唔系个个都钟意睇人生悲剧嘛; 于是师傅离开监房后, 见仲有段时间先开场, 于是就谂下有咩好食呢? 忽然间醒起呢度有间食店都几出位下, 加上师傅从未试过, 于是便一支箭咁直去目的地!抵达后师傅都要揾下边间系, 幸好原来一入门口第一间食店就已经系, 于是就企喺度望下咩好食啦, 最后师傅竟然比个快餐吸引住, 快餐系咩呢? 咪系师傅最钟意食嘅黑椒饭啰, 而是次系黑椒鸳鸯扒饭, 于是就埋去买飞, 买飞其间师傅觉得冇咩理由黎呢度食黑椒鸳鸯扒饭㖞, 话晒呢间食店出名系农夫包, 于是就柯打个咖哩牛腩农夫包, 点知要餐同唔要餐都系争五蚊鸡, 但多五蚊鸡就多个汤同埋餐饮, 喺唔好蚀底嘅情况下, 于是师傅就前后柯打左两个餐喇!落完单攞番牌仔, 再去揾个位坐底, 之后就会有人捧餐, 唔使自己捧有招呼, 师傅当然加分啦; 两个餐一先一后登场, 话明快餐当然最快啦, 于是师傅即刻开餐! 快餐有餐汤同饮品, 餐汤系中汤, 师傅唔记得系咩汤, 不过就几记得个味道, 味道颇浓而且有多少味精, 师傅饮左两啖已经冇饮喇; 而黑椒鸳鸯扒饭有猪扒同鸡扒各一块
抵达后师傅都要揾下边间系, 幸好原来一入门口第一间食店就已经系, 于是就企喺度望下咩好食啦, 最后师傅竟然比个快餐吸引住, 快餐系咩呢? 咪系师傅最钟意食嘅黑椒饭啰, 而是次系黑椒鸳鸯扒饭, 于是就埋去买飞, 买飞其间师傅觉得冇咩理由黎呢度食黑椒鸳鸯扒饭㖞, 话晒呢间食店出名系农夫包, 于是就柯打个咖哩牛腩农夫包, 点知要餐同唔要餐都系争五蚊鸡, 但多五蚊鸡就多个汤同埋餐饮, 喺唔好蚀底嘅情况下, 于是师傅就前后柯打左两个餐喇!
落完单攞番牌仔, 再去揾个位坐底, 之后就会有人捧餐, 唔使自己捧有招呼, 师傅当然加分啦; 两个餐一先一后登场, 话明快餐当然最快啦, 于是师傅即刻开餐! 快餐有餐汤同饮品, 餐汤系中汤, 师傅唔记得系咩汤, 不过就几记得个味道, 味道颇浓而且有多少味精, 师傅饮左两啖已经冇饮喇; 而黑椒鸳鸯扒饭有猪扒同鸡扒各一块, 先讲下个黑椒汁, 黑椒汁煮得几香, 味道带少辣, 入口就非常惹味, 汁底算做得不错; 再讲猪扒唔太肥而且煎得香, 肉身唔韧, 不错㖞; 而鸡扒就皮煎得香脆, 且肉身十分嫩滑, 整个鸳鸯扒真的不错; 而餐饮当然系冻柠茶, 冻柠茶就真系普普通通冇咩惊喜喇!
当食到快餐一半的时候, 咖哩牛腩农夫包餐就同时登场, 第一眼望埋去师傅真系打个突, 皆因个咖哩牛腩农夫包餐好大份; 于是师傅放低碟饭, 就试下个咖哩牛腩农夫包, 撕开锡纸只见好大个包, 包顶上切左个盖, 绝对有椰青的感觉! 于是师傅先试下个农夫包, 一放入口发觉农夫包都算又韧又干身, 而且包外系经烘焗, 可惜一d都唔脆, 对于师傅唔算太钟意食硬野嘅人黎讲, 感觉真系麻麻喇, 就算点埋咖哩汁亦帮助不大, 绝对带唔起食欲, 似乎农夫包有名大于实的感觉; 再试下咖哩牛腩, 咖哩十分香浓, 而牛腩松软酥香, 牛筋亦非常之腍, 看来咖哩牛腩嘅水准比农夫包要高! 餐汤系红汤, 味道一般, 冇甚惊喜!
总括黎讲食物质素尚可, 环境普通但尚算清洁, 有招呼所以服务可取, 价钱就平嘅, 快餐二十八, 咖哩牛腩农夫包就四十五, 埋单七十七, 都算几抵食! 师傅一个人食两个人份量嘅食物, 当然系食唔晒啦,不过只系食剩个农夫包, 咁你话有咩办法唔饱到呕呢? 可幸冇呕到, 但引身一句说话出黎 就系一个人的饮食日子不易挨呀! 笑脸暂未能比, 但机会一定会再黎, 皆因师傅都好想同好友食家"乜都放入窿"试一试, 事关好友食家"乜都放入窿"都好钟意食包嘛!
张贴
