影片
更多
2023-11-10
170 浏览
我经常一个人喺出面食饭坦白讲都系拣啲茶记或者快餐店嚟食，质素讲唔上好叫做填个饱肚就算！但系老婆大人就好唔钟意我咁样！佢话一个人食饭都要食得招积咁先至对得住自己，佢咁讲又冇错嘅做嘢咁辛苦食餐好啲都应该嘅。 呢日放假老婆大人就带咗我去食呢间好过瘾嘅乌冬专门店SOLO UDON，嚟呢度食嘢一个人都唔会觉得老尴㗎！因为佢啲座位一格格咁绝对唔会被骚扰到，最紧要系可以食到好味又有质素嘅嘢食吖嘛，有咗呢间正嘢之后我嘅晚餐就唔使咁颓废啦。 嚟呢度食嘢真系可以完全唔使同人沟通！因为由买飞开始已经系全自助！呢度嘅嘢食会有日式乌冬、小食、饮品同埋甜品拣。 买完嘢食攞返张飞走去自己钟意嘅位坐低，记住攞张飞嘟嘟侧边嘅QR code，咁样店员先知我哋坐边度㗎嘛。 跟住乖乖地坐喺度好快就会喺你前面嘅窿窿送上食物，真系好盏鬼不过劲想昅吓师傅个样啰哈哈。 我同老婆大人每人点咗个午市套餐可以叫一碗自己钟意嘅乌冬同埋一罐罐装饮品，我哋两个都唔想饮汽水就加多少少钱要咗枝炭陪乌龙茶，个乌龙茶真系几好味㖞原来系佢哋自家制嘅唔怪得知咁甘醇好味啦。 小食我哋嗌咗日本绢豆腐，呢个好滑嘅绢豆腐加咗啲炸蒜炸、炸洋葱同埋芝麻辣油真系
我经常一个人喺出面食饭坦白讲都系拣啲茶记或者快餐店嚟食，质素讲唔上好叫做填个饱肚就算！但系老婆大人就好唔钟意我咁样！佢话一个人食饭都要食得招积咁先至对得住自己，佢咁讲又冇错嘅做嘢咁辛苦食餐好啲都应该嘅。
呢日放假老婆大人就带咗我去食呢间好过瘾嘅乌冬专门店SOLO UDON，嚟呢度食嘢一个人都唔会觉得老尴㗎！因为佢啲座位一格格咁绝对唔会被骚扰到，最紧要系可以食到好味又有质素嘅嘢食吖嘛，有咗呢间正嘢之后我嘅晚餐就唔使咁颓废啦。 嚟呢度食嘢真系可以完全唔使同人沟通！因为由买飞开始已经系全自助！呢度嘅嘢食会有日式乌冬、小食、饮品同埋甜品拣。
买完嘢食攞返张飞走去自己钟意嘅位坐低，记住攞张飞嘟嘟侧边嘅QR code，咁样店员先知我哋坐边度㗎嘛。 跟住乖乖地坐喺度好快就会喺你前面嘅窿窿送上食物，真系好盏鬼不过劲想昅吓师傅个样啰哈哈。
我同老婆大人每人点咗个午市套餐可以叫一碗自己钟意嘅乌冬同埋一罐罐装饮品，我哋两个都唔想饮汽水就加多少少钱要咗枝炭陪乌龙茶，个乌龙茶真系几好味㖞原来系佢哋自家制嘅唔怪得知咁甘醇好味啦。
小食我哋嗌咗日本绢豆腐，呢个好滑嘅绢豆腐加咗啲炸蒜炸、炸洋葱同埋芝麻辣油真系好鬼香口。
午市套餐可以加$38换一份小食我哋梗系唔蚀底！老婆大人就拣咗日式炸鱼饼拼三重芝士春卷，个鱼饼都几弹牙但我就钟意香口热辣辣嘅芝士春卷多啲。 另一份加钱换购嘅小食系慢煮日本鸡胸肉拼日本鸡肉丸，个鸡胸肉超级嫩滑好鬼正另外鸡肉丸子估唔到都几弹牙同埋好重肉味。
钟意食蛋嘅我仲加多只温泉蛋呢度系用我最钟意嘅日本兰王蛋嚟㗎！要嚟就咁食或者放落乌冬度一齐食都得。 乌冬我就拣咗虾浓汤吉列虾乌龙面，呢个虾浓汤真系好足料好香虾味，加上𠮶个劲松脆嘅吉列大虾同埋超级烟靭好味嘅乌冬我比满分呀。
老婆大人钟意食意粉所以佢一眼就昅中咗厚切烟肉天妇罗卡邦尼乌龙面，我都偷偷地食咗一件厚切烟肉天妇罗外面口感劲松脆，入面系好有肉汁同浓郁烟熏香真系好鬼惹味，沟埋个卡邦尼酱汁食个乌冬真系好浓香滑又嘟嘟，不过佢加咗啲紫苏叶又令到味道清新咗啲呢个配搭真系好正唔错抵赞。
最后俾个甜品罐装牛乳蛋糕引到我！成罐汽水咁样嘅蛋糕我都系第一次食，嗌个乌龙面加$38就食到一个平咗10蚊即刻觉得抵食咗！我哋叫咗士多啤梨同埋抹茶味两只都好唔错㖞，抹茶茶味好甘香士多啤梨就够晒新鲜香甜正呀。
张贴