洪祖師 (已結業)

Hello 大家好👋🏻！今日我嚟到位于上水嘅「洪祖师」，一间台湾餐厅。 同事推介一齐去试下呢间台湾菜， 算我同事今日做咗件好事，洪祖师果然唔错。今次同大家分享一下佢哋嘅超值套餐，主食+小食+台式饮品夹埋只系$70几蚊。 份量啱啱好，唔会太细碗。 当中主食有16款， 小食有22款😋， 饮品唔洗讲啦，任何台式饮品应有尽有。美食攻略：虽然卤肉饭系好代表台湾菜，但系我今日想试下佢地个红烧牛肉面， 咁就梗有原因啦！ 佢地牛肉面可以改做配饭，最啱我呢啲汤饭控啦。 牛肉汤香浓，唔会太稀， 不过碗汤比较细碗，涂饭食真系一流，我敢大胆讲呢个牛肉汤配饭好食过面（个人观点😅🪖🪖🪖）。 佢地嘅牛肉唔系切到薄片果种，而系肉角，入口即化，松软美味。 小食方面我拣咗盐酥鸡，而同事就拣花枝丸。 盐酥鸡绝对无令人失望，香脆可口， 调味唔会太重，味道刚刚好。 花枝丸佢地炸完之后再配上秘制酱汁，令粒花枝丸添上味道嘅层次😋。美食指数：5🌝最高味道：🌝🌝🌝🌜🌚环境：🌝🌝🌜🌚🌚服务：🌝🌝🌝🌚🌚卖相：🌝🌝🌜🌚🌚