山景閣

营业中

休息中

300蚊有找自助餐， 可以坐足三个钟 朋友相聚系一架好地方， 但食物质素 千祈唔好抱咁大期望。 长脚蟹 够晒新鲜 系蟹棒冰条 ，生蚝唔系喺你面前即开总之就放喺冰面 ，十分有口感 因为好烟韧。 沙律 方面 ，只有一款沙律菜 都仲有其他配料 值得介绍嘅系 鲜杂果沙律 呢样真系好新鲜要值得一赞 。刺身方面 ，有三文鱼 ，北寄贝 等 。热荤方面， 有蒸海鲈鱼 天妇罗虾，天妇罗秋葵 ，椒盐鲜鱿 ，草菇炆西兰花 ，草莓猪扒 ，仲有 柴皮西冷扒 ，羊架，当然唔少得嘅就系干炒牛河同炒饭啦。 甜品方便有十杯马卡龙 ，芦荟椰汁糕， 蛋白芒果焗挞，合桃芝士饼 ，芒果蛋糕 ，自助班戟 等 。到八点有大厨即整嘅 香蕉，芒果，杏桃班戟，但要大厨等闲先得。整体食物质素尚可接受，正所谓一分钱一分货。但服务质素就九流，全场得6个人， 但要分身多个角色 有接待， 侍应 ，厨师 ，大厨，所以想食羊架时，要等佢转换身份先可以帮到你，想加水或收碟，又要等等，想食即整班戟仲惨，每人每次只准叫一款，但佢会问返你3次系咪要呢款，就算系小朋友都要自己叫唔可以揾大人帮口，因大厨个咀好有性格甘会回应你……。