影片
更多
2015-01-20
1550 浏览
老公生日但佢唔钟意大肆庆祝, 由于上次去中环嘅大喜屋食放题, 超满意, 于是再揾咗间放题, 系咁宜食餐生日饭.之前见到有食评话, 环境OK, 地板无立黏黏, 又有其他好评, 满心欢喜食一餐放题, 点知大失望而回. 一去到等咗五分钟, 因为将我嘅手提同另一个 booking 调转咗, 要稍为等咗一阵. 安排咗我地坐最入面, 行到入去, 地板立黏黏, 已经心感不妙, 又唔敢同老公讲, 只可以继续硬著头皮点菜, 全餐饭都将对脚"郎"系台脚度。饮品包气水、啤酒, 啤酒系日本 Orion.第一轮点咗三文鱼、甜虾、带子、油甘鱼, 第一轮上的鱼生系OK嘅, 但唔算系好得, 因为唔明点解带子要碎上, 可以接受带子一开二, 但唔可以碎上.仲叫咗软壳蟹手卷、海胆手卷、花之恋寿司、鳗鱼芝士卷、吉列炸虾卷、火灸牛柳寿司、韩式炒蚬、韩式猪颈肉、味增大肠、天妇罗虾、 天妇罗冬菇、天妇罗南瓜、天妇罗蕃薯、炒杂菜、羊架、烧粟米。 海胆手卷只有一小粒海胆, 而火灸牛柳寿司嘅手柳叫牛肉干会贴切D. 韩式炒蚬、韩式猪颈肉无嚟到, 反而同一张单嘅味增大肠有嚟, 但味增大肠食唔到味增味, 反而好似车仔面嘅猪大肠. 最好味嘅系天
老公生日但佢唔钟意大肆庆祝, 由于上次去中环嘅大喜屋食放题, 超满意, 于是再揾咗间放题, 系咁宜食餐生日饭.
之前见到有食评话, 环境OK, 地板无立黏黏, 又有其他好评, 满心欢喜食一餐放题, 点知大失望而回.
一去到等咗五分钟, 因为将我嘅手提同另一个 booking 调转咗, 要稍为等咗一阵. 安排咗我地坐最入面, 行到入去, 地板立黏黏, 已经心感不妙, 又唔敢同老公讲, 只可以继续硬著头皮点菜, 全餐饭都将对脚"郎"系台脚度。
饮品包气水、啤酒, 啤酒系日本 Orion.
第一轮点咗三文鱼、甜虾、带子、油甘鱼, 第一轮上的鱼生系OK嘅, 但唔算系好得, 因为唔明点解带子要碎上, 可以接受带子一开二, 但唔可以碎上.
仲叫咗软壳蟹手卷、海胆手卷、花之恋寿司、鳗鱼芝士卷、吉列炸虾卷、火灸牛柳寿司、韩式炒蚬、韩式猪颈肉、味增大肠、天妇罗虾、 天妇罗冬菇、天妇罗南瓜、天妇罗蕃薯、炒杂菜、羊架、烧粟米。 海胆手卷只有一小粒海胆, 而火灸牛柳寿司嘅手柳叫牛肉干会贴切D. 韩式炒蚬、韩式猪颈肉无嚟到, 反而同一张单嘅味增大肠有嚟, 但味增大肠食唔到味增味, 反而好似车仔面嘅猪大肠. 最好味嘅系天妇罗虾、 天妇罗冬菇、天妇罗南瓜、天妇罗蕃薯, 唔太油, 热辣辣。炒杂菜好细碟, 而且唔太惹味, 出面食嘅会加黑胡椒, 但呢度无. 烧粟米系超甜粟, 好味! 但我地无叫烧菠萝, 佢又俾咗D烧菠萝我地, 好酸! 羊架唔系羊架, 而似系羊扒薄切.
第一轮食完, 叫第二轮, 叫咗韩式炒蚬、韩式猪颈肉, 因为之前无嚟到, 再 encore 咗三文鱼、甜虾、油甘鱼、牛肉乌冬、火灸三文鱼寿司、火灸油甘鱼寿司、火灸鳗鱼寿司、香蒜牛柳. 落完第二次单, 等咗半个钟先有得食。 OK嘅有火灸三文鱼蒜寿司、火灸油甘鱼寿司、火灸鳗鱼寿司、花之恋寿司、香蒜牛柳, 牛柳有牛味及肉质鲜, 但奇怪在唔系蒜片牛柳, 而落炸蒜粒. 第二轮花之恋寿司点咗四件, 但只嚟咗两件, 鱼生亦开始薄切, 油甘鱼薄咗三分一,唔知系咪开始担心食物供应不足。呢次甜虾嘅肉有D散散地, 好似唔太新鲜. 牛肉乌冬无嚟过. 韩式炒蚬、韩式猪颈肉唔够热, 只系微温, 唔敢食.
第二轮食完, 再叫第三轮, 叫咗一直无嚟过嘅牛肉乌冬、encore天妇罗虾、 天妇罗冬菇、天妇罗南瓜、天妇罗蕃薯, 再等另外半个钟, 其间开始听到其他台有投诉, 有一台国内同胞投诉点咗食物但无嚟, 隔离台点咗天妇罗几次都无到, 仲有一台都系投诉点咗食物但无嚟但嚟咗无点嘅. 天妇罗虾点咗四件, 但只嚟咗两件. 而我地点咗两次嘅牛肉乌冬都系无嚟过. 卒之, 好不满地埋单离开.
三文鱼、甜虾、带子、油甘鱼、火灸牛柳寿司、花之恋寿司
91 浏览
0 赞好
0 留言
软壳蟹手卷、海胆手卷、鳗鱼芝士卷、吉列炸虾卷
35 浏览
0 赞好
0 留言
天妇罗虾、 天妇罗冬菇、天妇罗南瓜、天妇罗蕃薯、味增大肠
40 浏览
0 赞好
0 留言
火灸三文鱼寿司、火灸油甘鱼寿司、火灸鳗鱼寿司
30 浏览
0 赞好
0 留言
烧蕃薯、香蒜牛柳
30 浏览
0 赞好
0 留言
encore天妇罗虾、 天妇罗冬菇、天妇罗南瓜、天妇罗蕃薯
34 浏览
0 赞好
0 留言
韩式炒蚬、韩式猪颈肉
25 浏览
0 赞好
0 留言
烧菠萝、烧粟米
22 浏览
0 赞好
0 留言
炒杂菜、烧羊架
25 浏览
0 赞好
0 留言
题外话/补充资料：
如果上菜上得咁慢, 唔可能仲要限制人客食两个钟.
(以上食记乃用户个人意见 , 并不代表OpenRice之观点。)
张贴
