海街丼 (海濱匯)

营业中

休息中

官塘高质素日本野，点左焰烧三文鱼带子丼同埋滑蛋鳗鱼丼定食，仲有唐扬章鱼小食！升级做套餐配左蓝莓梳打同甜品！推介必食刺身丼饭，三文鱼闻落都淡淡炭烧味，三文鱼同带子配有黑胡椒， 即使有胡椒都食得出有鲜味，而烧到恰到好处半生熟嘅效果，鱼子胀卜卜，咬落爆汁，新鲜！最正嘅系可以有三个食法，可就咁食个饭连刺身试吓个鲜味，又或者配有醋啫喱，用嚟捞饭，自制寿司饭咁，可以酸到任你调教，当食剩三份一之后可以加入茶同埋小碟三味就可以变埋茶渍饭，一个价钱三个食法，佢个茶其实系柚子鱼汤，用鱼头煲嘅鱼汤，就咁饮都好好饮，有鱼嘅鲜味，再配上柚子嘅味道，用足料嘅鱼汤捞饭！ 滑蛋鳗鱼饭，出边比较少有，原锅上热辣辣，蛋有香葱，蛋既熟度恰到好处，鳗鱼冇乜骨，无腥味，口感新鲜好食，成个定食仲配有面豉汤同前菜，份量够又好食！唐杨章鱼，食落好新鲜，又咬口，唔会太靭，愈食愈好食，好弹牙。甜品，洋甘香橙芝士蛋糕，士多啤梨芝士蛋糕，香橙蛋糕好fresh，佢系用啫喱包住芝士蛋糕再有香橙嘅橙皮，口感比较特别，有饼底。士多啤梨芝士蛋糕偏硬身，包住嘅外层有啲似羊羹嘅口感。饮品系有蓝莓渣，所以唔系就咁糖水，有诚意！