築間幸福鍋物

今日星期六，我同朋友去咗旺角一间楼上嘅火锅店，听讲呢度嘅set lunch好抵食，仲有任食任饮嘅饮品同甜品，真系好吸引！我哋选咗279 set，首先叫咗一个昆布清汤，另外仲有镇店招牌石头汤，石头汤上面有好多鱿鱼干同元贝干，闻落去香气四溢！食物方面，海鲜选择非常多，有海潮鲜鲈鱼、沙白、蚝仔同海虾等，每一样都好新鲜。特别系海潮鲜鲈鱼，肉质滑嫩，搭配汤底食，真系好鲜！！而沙白嘅鲜甜味又令整个火锅更加丰富。肉类方面，猪肉、牛肉、鸡肉都有，我最钟意嘅系纽澳嫩羊肩，羊肉切得厚薄适中，烧过之后，肉质鲜嫩，油花分布得宜，食落去完全冇膻味，搭配上昆布清汤，味道真系好正。蔬菜方面就更加灵活，可以喺外边自助取，有唔同嘅台式丸类，像是鱼丸、肉丸等等，选择多得令人眼花撩乱。食落去每一样都保持住新鲜感，搭配火锅一齐煮！饮品方面，我哋叫咗冬瓜柠檬，饮落去清爽解渴，甜中带酸，正好中和返火锅嘅重口味，真系一个好选择！而且仲有任饮😜😜😜最后甜品方面，餐厅提供咗几款选择，我哋试黑糖白玉奶酪，，口感滑顺，味道清新！