爆爆鍋 (已結業)

人大左有时出街打边炉未必会想拣放题，食唔到咁多肉，反而想食高质肉同多d菜。今次系铜锣湾拣左呢间半放题，仲要系牛大人嘅副线，一人一锅，套餐可以自选汤底+肉+主食+蛤蜊菜盘+饮料，仲有自助区嘅蔬菜任食，所以同放题一样饱！夜市养生排骨锅排骨锅充满夜市台式药膳锅风味，足料药膳味香浓，仲有好大旧一字骨，呢个汤底渌菜劲快入味。澳洲m5和牛肩胛肉眼和牛雪花分布均匀，牛味香浓，油脂相对少但肉质都好嫩滑，好高质爆炒沙茶石头火锅店员会系面前起锅爆炒配料，将沙茶酱炒副劲香再落汤，炒𠮶阵真系劲香！令成个汤都充满镬气味，好惹味安格斯牛小排呢个比牛肩胛多油脂所以食落更加软腍，肥瘦适中蛤蜊菜盘有响铃、蟹柳、芋头、豆腐、芋头贡丸，每样都可以食少少，啱晒我呢d想食多几个配料款式嘅人另下加左卤水百页豆腐 （+$12），绵密紥实口感，配台式火锅汤底吸满汁。主食选了宽粉和新竹米粉，宽粉弹牙，新竹米粉一落汤份量超多，仲要劲吸汤，捞埋葱蒜食更浓味。苹果醋QQ冰红茶手摇饮品好大杯，苹果醋酸酸甜甜非常解腻，不过就冇咩红茶味冬瓜柠檬爱玉柠檬爱玉清新解喝，有得自选甜度及冰店员会不时主动帮手加汤，最后仲有朱古力脆皮雪条，百几二百蚊食到咁饱