牛摩+ (沙田中心) (已結業)

难得放假，同妈咪去沙田行街，行行吓见到间任食日式火锅，仲要一人一锅，百几蚊一个人，唔系贵，就同佢叹返个lunch。拣咗牛颈脊套餐，除咗有牛颈脊仲有其他部位嘅牛、羊肉、海鲜同鸭血，仲有自助区任拎蔬菜丸类豆腐甜品同埋饮品。叫咗个寿喜烧汤底，清清甜甜，有埋日本生蛋点牛肉；妈咪就叫咗港式沙嗲汤，贪佢够味。牛颈脊色水好靓，油脂分布平均，个人觉得牛肉点寿喜烧汤底系绝配。另外Encore咗5碟牛肩肉，超浓牛味，仲要牛肉好滑身、软熟。妈咪食咗五碟羊肉，佢话唔膻，好食！佢啲海鲜都唔差，最钟意食元贝大大粒。青口都好新鲜，鱿鱼筒更加唔使讲，一啲都唔韧，好软腍。极力推介温泉蛋，碗乌冬超级好食，滑溜嘅蛋汁再加清甜嘅汤底，超正！最后自制咗杯冻咖啡做甜品，呢度嘅饮品好出色，咖啡好香浓，奶味香，加冰底就整到杯冻啡！