影片
更多
2023-04-27
346 浏览
终于有得飞，但就仲未飞过日本，唔想同人一齐迫，都系迟些少先。唯有系味觉上飞转先，所以又再一次帮衬呢门日食小店。拉开门就见晒整个食店，装饰全系和风系，而店主加主厨系你面前即席烹煮，放心………………抽气系统做得唔错，食完唔会一身油烟味。就咁凭食材名嘅配搭，手工樱花虾酱伴冻豆腐 ($48)以为台湾嘢多D。实物加咗木鱼碎及香葱，日系感觉配增。只有豆味嘅冻豆腐，与咸香樱花虾酱联盟，口感幼滑，凉快感觉作为冻盘前菜都几唔错。叫咗客烧香葱玉子 ($48)，比起平时食开嘅玉子烧薄身D，味道带甜及有少少香葱味。系食紧玉子时，听到炸野嘅油声，无几耐就见到呢客黑毛和牛可乐饼 ($58)送到枱上。一客2件，炸至金黄色，再唧上千岛酱及沙律酱，未食已感邪恶 (哈哈哈)入口外皮脆度十足，真系一咬就有”嚓”一声; 里面相当热辣，有薯蓉嘅绵滑口感，偶尔见到少少牛肉碎粒，系咪有和牛味已经唔重要，最重要系炸得好好味又唔会一口油。若要我推介呢度嘅必叫佐酒菜，呢客烧鲽鱼 ($78)一定入三甲将鱼身起肉再烧，入口啖啖肉无骨，再加上系鱼身唧上由店主自家创作嘅酱汁，惹味得黎又带少少辛辣，系有D计仔嘅。而个人觉得条鱼骨仲好味过鱼肉，点解
拉开门就见晒整个食店，装饰全系和风系，而店主加主厨系你面前即席烹煮，放心………………抽气系统做得唔错，食完唔会一身油烟味。
就咁凭食材名嘅配搭，手工樱花虾酱伴冻豆腐 ($48)以为台湾嘢多D。实物加咗木鱼碎及香葱，日系感觉配增。
只有豆味嘅冻豆腐，与咸香樱花虾酱联盟，口感幼滑，凉快感觉作为冻盘前菜都几唔错。
叫咗客烧香葱玉子 ($48)，比起平时食开嘅玉子烧薄身D，味道带甜及有少少香葱味。
系食紧玉子时，听到炸野嘅油声，无几耐就见到呢客黑毛和牛可乐饼 ($58)送到枱上。一客2件，炸至金黄色，再唧上千岛酱及沙律酱，未食已感邪恶 (哈哈哈)
入口外皮脆度十足，真系一咬就有”嚓”一声; 里面相当热辣，有薯蓉嘅绵滑口感，偶尔见到少少牛肉碎粒，系咪有和牛味已经唔重要，最重要系炸得好好味又唔会一口油。
若要我推介呢度嘅必叫佐酒菜，呢客烧鲽鱼 ($78)一定入三甲
将鱼身起肉再烧，入口啖啖肉无骨，再加上系鱼身唧上由店主自家创作嘅酱汁，惹味得黎又带少少辛辣，系有D计仔嘅。
而个人觉得条鱼骨仲好味过鱼肉，点解?! 因为炸至脆卜卜，成条食晒都无问题，脆口食物用黎佐酒，从来都无咩输过。
多款晚食主打选择，咁样会再饱肚D啰
咁就叫咗呢碗加拿大蓝青口鲣鱼汤手打乌冬 ($108)。蓝青口覆盖咗乌冬，顶部又再加上木鱼碎及香葱，份量都够2人分享。
蓝青口肉身饱满，入口无渣
而个鲣鱼汤清淡中带少少甜味，甜味应该来自汤中嘅大根及南冬瓜; 而个手打乌冬口感顺滑，一口乌冬一口清汤，令呢一餐饱暖而满足。
张贴
