影片
更多
2022-10-30
474 浏览
铜锣湾新派乌龙专门店 Solo Udon，开业冇耐已经人气十足，平日晚上排咗一阵队先入到！入面嘅座位全部都系一人之境，一人食都唔尴尬～自助落单后，返埋位扫QR code，师傅就会拉开座位前方嘅活动隔板送餐，成个体验都几有趣！呢度主打乌龙面，由日本职人选用100%北海道面粉每天新鲜制造！明太子温泉蛋冷乌龙面($88)虽然呢排天气转凉，但点都要试吓冷面，因为乌龙面冷食最有嚼劲同口感！弹牙嘅乌龙面，加上咸香嘅明太子、流心嘅温泉蛋，配料简单但好食！店员建议先试原味，然后加少少wasabi，最后加天妇罗脆脆，三种食法，各有风味！鸡白汤叉烧乌龙面($88)鸡白汤汤底比较家庭式，虽然质地唔太浓厚，但都鲜甜浓郁。乌龙面热食口感滑溜，而且好挂汤！叉烧口感嫩滑！明太子芝士春卷($38)好有惊喜！春卷内系满满嘅芝士，好特别地加入咗明太子，唔单止味道更加丰富，食落完全唔漏！春卷皮炸得香脆而不油腻，正！钟意食芝士嘅唔好错过！蛋黄天妇罗($35)天妇罗炸浆薄脆，轻轻一咬，蛋浆就倾涌而出，外脆内流心，口感一流！南蛮炸鸡（$48）份量慷慨，炸浆好薄身，但鸡就比较干身。同埋南蛮鸡嘅重点系酸甜咸辣嘅南蛮醋，但感觉南蛮醋嘅
自助落单后，返埋位扫QR code，师傅就会拉开座位前方嘅活动隔板送餐，成个体验都几有趣！
呢度主打乌龙面，由日本职人选用100%北海道面粉每天新鲜制造！
明太子温泉蛋冷乌龙面($88)
虽然呢排天气转凉，但点都要试吓冷面，因为乌龙面冷食最有嚼劲同口感！弹牙嘅乌龙面，加上咸香嘅明太子、流心嘅温泉蛋，配料简单但好食！店员建议先试原味，然后加少少wasabi，最后加天妇罗脆脆，三种食法，各有风味！
鸡白汤叉烧乌龙面($88)
鸡白汤汤底比较家庭式，虽然质地唔太浓厚，但都鲜甜浓郁。乌龙面热食口感滑溜，而且好挂汤！叉烧口感嫩滑！
明太子芝士春卷($38)
好有惊喜！春卷内系满满嘅芝士，好特别地加入咗明太子，唔单止味道更加丰富，食落完全唔漏！春卷皮炸得香脆而不油腻，正！钟意食芝士嘅唔好错过！
蛋黄天妇罗($35)
天妇罗炸浆薄脆，轻轻一咬，蛋浆就倾涌而出，外脆内流心，口感一流！
南蛮炸鸡（$48）
份量慷慨，炸浆好薄身，但鸡就比较干身。同埋南蛮鸡嘅重点系酸甜咸辣嘅南蛮醋，但感觉南蛮醋嘅味道唔太突出～
抹茶罐装牛乳蛋糕($48)
草莓罐装牛乳蛋糕($48)
估唔到呢度竟然有IG-able嘅罐装牛乳蛋糕，更估唔到嘅系两款蛋糕睇得又食得！抹茶慕丝蛋糕质感软滑，抹茶浓郩带回甘！个人钟意草莓牛乳蛋糕多d，忌廉奶香十足，同酸酸甜甜嘅草莓好夹！记得留肚食甜品呀！
玉山乌龙（$25）
呢度有自家冷泡茶，推荐玉山乌龙，饮嘅时候个喉咙凉浸浸好舒服，睇返成份先知原来加咗甘草！甘中带甜，值得一试！由于入面有茶包，所以饮完可以成个樽攞返屋企再冲多次！
张贴
