Rakuraku 樂拉麵 (利東街)

营业中

休息中

约咗我马来西亚个表妹去大馆，系咁辛苦嘅路途上，我决定食饱咗个肚先，行过利东街见到呢间好多人排队，我谂多人排得队应该系好食嘅指标，所以就去排咗阵，哈! 原来一个人系会快啲有位架! 我望住个menu 有一个谂法系.... 其实我真系好少见拉面点会俾块炸莲藕，但望落去又觉得算系几赏心悦目嘅。一场嚟到我梗系食啲有推介嘅食物啦，所以就点咗呢度推介嘅特浓樱花虾拉面 $88 ，因为我比较钟意比较硬嘅面，好彩呢度有得较硬度啫~ 好勒~ 入正题。其实我真系好怕虾汤会闻到啲腥味，好彩呢碗系无~ 而且啲樱花虾好似放题咁，真心每啖入口都系樱花虾。我先前讲到𠮶两块特别嘅炸莲藕，即使系放入少少汤度，都仲系好脆。 个汤底系重点，因为真系好浓郁嘅虾汤味，非常鲜甜 !!! 而且面条亦不错，真的有按我的要求，保持硬度。佢呢只香煎鲜虾饺子，比一般拉面店大只，而且我唔知道系唔系灯光问题，感觉佢好黄色。 不过入口啲虾啊肉啊都仲系有肉汁流出嚟，前到咁香口仍然保持到肉汁，真系唔错。估唔到而家嚟到利东街偶遇一下拉面店都有惊喜，唔怪得排咁长龙啦。