Castle Cafe

营业中

休息中

今日原本放半日假，谂住去荔枝角揾阿妹食午餐。去到佢比个惊喜我，话忙到已经买定面包做午餐。唯有一人午餐。闲逛见到前面有间小蓝屋，望个餐牌，咦？午市套餐系2pm后平$10，下午又放假，咁就等够2pm啦！地方企理干净，可能已经过2pm，所以刚有空位,既然午市套餐先有得平$10蚊 ,拣个西冷扒餐（$52）先跟薯菜，跟餐有餐汤及饮品。叫蘑菇汤，饮品叫鲜榨果汁（跟餐加$10）火龙果汁。个餐都几快送到。牛扒生熟当然系餐厅预设，冇得order几成熟，上到枱已经全熟，但唔韧，都好易切，最紧要够热，伴碟薯角够热又脆。火龙果汁够冻，最怕饮暖果汁，啱啱好，唔算太甜，补充一下纤维。如果以正价食都抵食嘅，起码比快餐店多一碗汤，饮品种类又多少少。再揾阿妹食午餐又多间选择。