上海弄堂菜肉餛飩 (綿發街)

营业中

休息中

今日嚟左跑马地做野，到2点先食饭，热热地净系想食d湿湿地又清清地既野，忽然谂起「上海野」三个字，即刻google下附近。原来得正正企既地方上斜就有一间上海弄堂，真系开心都直奔上去。虽然过左午饭时间，但餐厅仍然8-9成满。叫左个「一人套餐$78 加$5配豆浆一杯星期一至六11点至五点免加一服务费小食」菜肉馄饨四只 配 黄金排骨汤面 加$5配豆浆菜肉馄饨几多馅料，肉味够而且调味唔错，唔使点酱汁都够味。黄金排骨即系炸猪扒，猪扒薄薄地唔会炸得太厚，味道唔系好浓，但都仍然juicy。汤面奶白色几够味，所以连面食唔错。自己一个人食晏又多个选择。