嵐山日本料理

营业中

休息中

今晚无饭食，唯有一个人系街食饭啦，行行下见到间日本餐厅唔错就入黎试试。一个人食鱼生又好似太贵，就食个炒饭加小食，日本野都可以平食的。海胆炒饭($128)为左填饱个肚就点左个海胆炒饭，海胆份量都几多，炒完后米饭仍然好有质感，加上海胆的鲜甜，及多款配料造成的层次感。最重要系每一口都有海胆的鲜甜为炒饭加了不少分。串烧安格斯牛肉($76)牛肉的质素十分高，师傅烧的手艺也十分好，表面有少少的焦香味道，但系牛肉的肉汁仍然保留系牛肉内部没有流失出黎，除了嫩滑外牛肉味也十分重，加上日式的酱油配合得恰到好处。烧芝麻鸡翼($38)可以话系我食过最好味既烧鸡翼，鸡翼外皮好脆好香，咬落去鸡肉同皮中间的油脂变成左流质，除左鸡既香味散发外仲令鸡肉肉质好嫩好浓味，厨师腌味都做得十分好，不只是外皮有味，鸡肉都有吸收到，烧得好腌得也好，普通鸡翼有心机也可以做得十分出色。