榮少喇沙 (已結業)

今日放工一个人去左屯门市中心食野，听朋友讲话依间都几出色，又岩自己食，所以去试下。个入口唔系连住屯门时代广场，要系街行入去，有少少难揾，但系间铺生意都唔错，好多网上外卖平台、外卖，仲有唔小人放工放学黎食。入面仲有好多mirror 既应援物，睇黎系mirror fans!坐低就可以扫code落单，叫左脆炸鸡扒特鲜莞茜鱼汤面($50)，叫左濑粉+米粉，几特别。另外叫左佢既特饮，奇亚籽柠檬薏米水($10)同埋肉燥四季豆($15)。等左一阵野食就黎到了。脆炸鸡扒特鲜莞茜鱼汤面($50)配濑粉+米粉大大碗面，配上椰奶味重既莞茜汤，甜甜地，同平时食既一般莞茜鱼汤不同，再加上掺面，都几特别。脆炸鸡扒大大旧，即叫即炸，咬落去啲汁爆紧出黎。奇亚籽柠檬薏米水($10)跟餐配加$10，大大杯，劲多薏米同奇亚籽，系健康之选。虽然佢甜度已经调好，但都唔会过甜。肉燥四季豆($15)炸完既四季豆淋上大量肉燥，如果有胃口再食饭，我谂送饭都会好好食🤤如果觉得肉燥肥可以自己点小啲都Ok!总结，依间铺头一个人好岩食，大大份咁，味道又唔错，可以一试！