丸亀製麵 (已結業)

今日去完医院探完嫲嫲后，又来到乐富广场解决晚餐，而今日黎到丸龟制面食乌冬！「丸龟」系先点餐，后付款，再揾一个适合自己既座位开餐，类似ＦＯＯＤ　ＣＯＵＲＴ既做法。而我就点左一个牛肉麻酱乌冬（＄４６），牛肉味道类似吉野家既牛肉，配上香浓既麻酱，好惹味！乌冬系重点，剔透既乌冬超级弹牙！个人仲喜爱大加大量葱同天妇罗碎去加强口感同香味。另外小食亦系自助形式，我就夹左个虾饼食。弹牙既虾胶被松脆既外皮包裹著，日本既炸野技术就系利害，可以令到炸物大大减低油腻感。不错！温馨提示，尊重日本文化，大家食完记得还返Ｄ碗碟去返却口呀！