漢堡佬 (已搬遷) 新店位置

自己一个人住，如果买𩠌煮饭仲贵过出街食，但系日日出街食，已经食都唔知食咩好。上openrice睇睇，揾到呢间汉堡店。汉堡款式仲多过一般嘅快餐店，价钱都好亲民。咁啱见到佢哋有黄金软壳蟹汉堡，好特别。点左个试试先，再加左椒盐一口鸡。个汉堡已经好大个，估唔到个软壳蟹仲大只！脚系晒出面！一咬个汉堡，软壳蟹炸得好酥脆，完全冇炸粉粉味，中间蟹黄膏好浓郁，成个口感味道配搭好正。椒盐一口鸡成十几块，闻落都已经好香，一咬鸡肉嫩滑多汁，椒盐好惹味。最重要系配埋屋企露台嘅无敌夜景，感觉食物更加好食。