元気寿司 (荷里活廣場)

营业中

休息中

自己系住呢度附近，而且经常都好晏先收工，返到屋企都冇乜特别嘢食，所以都会碰吓运气睇吓呢一度会唔会好多人排队，如果冇乜人排队就会入去食，因为佢有好多自闭位，所以一个人食都唔会尴尬。但系值得留意嘅系呢一间嘢成日都会有好多飞排紧队，但实质上又唔系真系等好耐，经常其实都会有二三十张飞喺前面等紧，如果大家有会员，记得嚟之前揿一揿掣拎咗飞先。自己嗌呢一个寿司一定系会嗌三文鱼，包括花之恋同埋普通三文鱼，两只都好好食。而自己再要私心推介嘅系蟹膏系列，包括一个蟹肉蟹膏同埋甜虾蟹膏，两个都非常之出色，蟹膏非常之好食，一定要叫。