船渦

营业中

休息中

火锅店嚟讲，船涡环境非常干净。另外餐厅每一枱都用竹廉隔开，私隐度好高👍🏻枱上面既提示纸清楚写明每款海鲜、肉类同菜类蒸煮所需既时间，我唔使惊会蒸过龙，非常贴心😍- 九品芝麻套餐前菜系章鱼烧，外皮香脆热辣，酱油味道啱啱好唔会太咸。蛏子新鲜弹牙，味道够鲜甜唔驶点任何酱汁。鲍鱼肉质弹牙，蚬肉一样好鲜甜，其他海鲜包括虾、鲜鱼片同鲍鱼都唔错！肉类三选二，我拣左豚肉片同肥牛，前者口感柔嫩，肥而不腻，后者口感爽滑，肥瘦适中。丸类有三粒，三粒都系唔同味道，包括招牌墨鱼丸、姜汁皮蛋贡丸同牛骨浓汁牛丸，全部都肉质弹牙。最后仲有芋头南瓜粥，粥底非常绵密，而且同海鲜精华全部融为一体，加上南瓜同芋头既香甜，非常滋味。- 内务总管套餐内务总管套餐既前菜系吉列炸蚝，外皮非常酥脆，一口咬落鲜嫩多汁。海鲜方面，对比九品芝麻套餐元贝同蛏子皇换咗鲜鱼片，另外我加$1换购多一只鲍鱼😍，元贝味道几鲜甜。肉类一样系三拣一，今次试埋鸡腿肉，以为蒸煮之后肉质会好老，但结果系啱啱相反，食落啖啖肉好Juicy👍🏻粥底拣咗蟹膏蟹肉粥，每一啖粥都食到一丝丝嘅蟹肉，再加上原先海鲜蒸煮时留低嘅精华，真系鲜味十足😋船涡嘅一人海鲜蒸气火锅真系好抵食。