季季紅風味酒家 (已結業)

咁啱今日系大角咀奥海城附近见完客，所以决定食埋先返公司；由于已经到咗下午茶时段，见隔离有间季季红，就行咗入去，叫咗下午茶餐，有烧鹅米线再加木耳小食，加$3仲可以将罐可乐转做猪肺靓汤添！通常出面食烧味好少附上一碗咁花心机既靓汤，至多都系啲鸡骨烧骨既味精汤，因为通常一碗猪肺处理唔容易，难得系出面食都可以饮到咁滋润既汤实在难能可贵，赞！菜干味微香，汤味几浓郁；饮落唔算好咸，再讲下烧鹅味道，外皮好薄都好香口，肉质好鲜嫩食落感觉唔会好油腻，汤米线份量亦足够，啱晒唔系好大食既我。下次有机会再嚟试下其他优惠，睇个Menu唔只下午茶，仲有其他优惠，好似都几吸引。