季季紅風味酒家 (已結業)

早前公司開大食會，同事建議不如訂隻豬仔返黎切吓，於是就試吓傳説中嘅季季紅。原來可以係官網直接訂購，但要預早三日，好方便😍。當日豬仔準時送到公司樓下，有環保袋抽住，靚靚仔仔拎上樓。打開仲有把廚剪添! 好貼心！唔駛帶定菜刀返公司斬豬，唔係俾警察周到唔通同佢講我食開榴蓮乜乜乜咩😂。-----有米豬$660剪開一忽忽，有米齊齊分。乳豬肉真係好滑好嫩口，皮薄，皮同肉中間夾住一層薄薄的脂肪，肥而不膩😋，點埋附送嘅乳豬醬真係食完一舊接一舊。如果豬皮再脆卜卜啲就完美。而豬仔包住嘅米飯好香口，豬油撈埋包含芋頭粒同蝦米嘅炒飯，正啊！！！！最後破戒飯左兩碗飯🙈🙈🙈。雖然話係乳豬仔，但豬肉連飯個份量唔細，十個女士都食唔哂。之但係，隔日翻叮嘅乳豬飯依然係正嘅。意頭好又好食，黎緊新年應該會Encore 😍

同屋企人諗住試下佢隻燒豬仔！五個人叫左一隻豬加個小菜。去飲食既乳豬就食得多，但釀埋d飯入去既就真係第一次。首先佢會完隻上俾你睇下先，之後再拎去剪開佢。味道好好，隻豬唔會好厚，香脆既皮，下面加層薄薄既肉，口感層次分明。（有d燒豬層肉太厚，同上面塊脆皮唔match) 入面既飯好香，一來佢吸收哂燒豬既精華，二來廚師加左d香芋落d飯，令到成個飯既口感更豐富，最抵讚既係個飯一d都唔油👍🏻 份量都幾大，我地5個人最後食唔哂要打包。食物就幾好，但環境就真係差左d喇。裝修仲hea過茶餐廳，大圓枱但無枱布，仲有硬板櫈，成個feel即刻cheap哂😵

今天是聚會的日子, 因為是我們做東, 之前老友記請我們吃過一次燒豬仔很不錯, 所以我就提議來encore~為表誠意, 訂座之時訂定隻豬, 入座點好其他菜後稍等一會, 豬仔便上枱了~因為我們人少少又叫了隻豬, 雖則已沒打算吃完...一早叫定服務員給個盒載走, 但仍是頗'漏'所以餘下的餸全叫蔬菜就最恰當了另外一碟是銀杏浸時蔬, 清清哋, 頗不錯 (原來沒影相)服務方面: 雖則沒有笑笑口, 但態度正常, 快手快腳要咩有咩, good!價錢方面: 5位大人吃了千多元都OK, 其實多一兩人才叫一隻豬會更好, 沒那麼"漏"本來可鬆手些給個笑面, 但因為斑的一碟扣了分, 給個'OK'期待更進一步!  (後來有次再來吃了焗蠔又是非常一般...所以結論是吃豬的地方都是叫豬仔最好)

收多左我錢，但話過左數，唔識cancel, 經理唔响度。咁我就冇左30呅。。。食物本身味道中融。冇乜特別。叫左菜心牛肉，正常。加個羅漢上素，好油。沖有個湯，普普通通

當日晚飯只有6個人又有人想試下隻出名既"有米豬"於是黎左季季紅叫左隻有米豬,加幾味小菜一試。(隻米豬最好預早幾日打去預約定先)季季紅最出名既有米豬隻豬外皮係幾脆,但冇咩肉食。反而個油飯好野味,個人覺得唔會太油,岩岩好。所以食飯多過食隻乳豬因為隻有米豬都幾大份怕食唔晒所以小菜只叫了3款。蓮藕餅一直都好想試呢間既蓮藕餅, 今次終於有機會了!果然沒有令我失望, 煎得好香, 厚度岩岩好。好好食我差D想成碟食晒XD咕嚕生炒骨D汁唔會太酸,甜甜地,都岩小朋友食肉質唔會硬,幾香口而已林林地易咬入口。另外仲有碟蟹肉西蘭花,D茨汁好夠多,有唔少蟹肉碎。西蘭花煮得夠耐,唔會食落仲好生, 加埋D茨汁好正呀。不過呢味菜等得太耐, 一上菜時就夾左黎食,冇影到相(失敗XD)整體上呢間季季紅既野食都唔錯, 試左幾樣菜,大家都話好味下次再人多D, 可以再試其他小菜啊。

昨晚我們去咗奧海城嘅「季季紅風味酒家」食晚飯！我們叫咗蝦禾米有米豬、豬肺頂蝴蝶腩燉菜膽湯、碧綠炒斑片、蒜蓉粉絲蒸日本大元貝同台式蚵仔煎蛋！蝦禾米有米豬嘅乳豬脆皮燒極之香脆，肉質非常鬆軟嫩滑，乳豬嘅肉汁滲透晒啲飯入面，令到啲飯更加惹味甘香！係本人嘅必食推介！豬肺頂蝴蝶腩燉菜膽湯嘅火候十足，湯料超豐富，味道相當清甜！碧綠炒斑片嘅斑片肉質非常爽滑彈牙，味道好鮮甜！蒜蓉粉絲蒸日本大元貝嘅肉質相當鮮味彈牙，蒸嘅火候啱啱好，唔會過火！台式蚵仔煎蛋嘅蚵仔份量超多，鷄蛋亦煎得色澤金黃同香脆！

咁啱今日係大角咀奧海城附近見完客，所以決定食埋先返公司；由於已經到咗下午茶時段，見隔離有間季季紅，就行咗入去，叫咗下午茶餐，有燒鵝米線再加木耳小食，加$3仲可以將罐可樂轉做豬肺靚湯添！通常出面食燒味好少附上一碗咁花心機既靚湯，至多都係啲雞骨燒骨既味精湯，因為通常一碗豬肺處理唔容易，難得係出面食都可以飲到咁滋潤既湯實在難能可貴，讚！菜乾味微香，湯味幾濃郁；飲落唔算好咸，再講下燒鵝味道，外皮好薄都好香口，肉質好鮮嫩食落感覺唔會好油膩，湯米線份量亦足夠，啱晒唔係好大食既我。下次有機會再嚟試下其他優惠，睇個Menu唔只下午茶，仲有其他優惠，好似都幾吸引。

今日難得出開去奧海城行街，行到累累地，連食午飯時間都唔記得咗添，索成食過下午茶；就係附近搵間野坐底食完之後，先再繼續血拼過；揀咗呢一間食，係門口等位等咗好耐，都仲未入得去；諗住食過下午茶啫，唔洗咁對我呀>_<，入到去先知道原來鋪頭唔係好大間，所以要等咁耐，坐到埋位望下張下午茶有咩食，決定落單，叫份叉燒米線再有一份小菜拍青瓜，落單點解侍應叫極都唔應我既？/_\終於落到單啦！等咗唔夠20分鐘就有得食，太好啦！叉燒望落去肥瘦都均勻，味道唔錯！正！，米線份量啱啱好，份量啱啱足夠一個人食，之後想叫侍應加水，飲多一兩杯茶，點解侍應又係叫極都唔過嚟既？唔通連啲侍應唔鍾意我TAT有可能我位置坐得太入，佢可能未必望唔到我，所以遲遲都未幫到我斟水，但慶幸佢地見到；反應都好快手；幫我裝咗壺。

咁啱今日係大角咀奧海城附近見完客，所以決定食埋先返公司；由於已經到咗下午茶時段，見隔離有間季季紅，就行咗入去，叫咗下午茶餐，有燒鵝米線再加木耳小食，加$3仲可以將罐可樂轉做豬肺靚湯添！通常出面食燒味好少附上一碗咁花心機既靚湯，至多都係啲雞骨燒骨既味精湯，因為通常一碗豬肺處理唔容易，難得係出面食都可以飲到咁滋潤既湯實在難能可貴，讚！菜乾味微香，湯味幾濃郁；飲落唔算好咸，再講下燒鵝味道，外皮好薄都好香口，肉質好鮮嫩食落感覺唔會好油膩，湯米線份量亦足夠，啱晒唔係好大食既我。下次有機會再嚟試下其他優惠，睇個Menu唔只下午茶，仲有其他優惠，好似都幾吸引。

較之前歡送我地公司老臣子阿懿，佢係公司一直做咗十幾年，所以就約埋幾個同事同佢Farewell，我地一行六人；叫咗碟口水雞，有營健康雜菜盤、台式蚵仔煎同埋海蜇燻蹄再另外叫咗幾籠點心。口水雞相當惹味；味道絕對唔會差過出面專門食辣野既食店，真心值得推薦！旁邊既皮蛋，亦係亮點之一，索晒當中辣汁味道，好味！講到台式蚵仔煎，蠔仔都頗大粒同鮮甜；而且煎得幾香口，亦唔多油，味道一絕！有營健康雜菜盤，賣相顏色好吸引，有椰菜花、椰菜、小唐菜、菜心同埋青豆加上仲有番茄伴碟，食落味道好清新，而且酸酸甜甜既番茄令人十分開胃。至於海哲燻蹄，海蜇爽脆，味道唔會好咸，配上蒜醋蘸汁令人食過回味無窮，讚！只可惜份量唔夠，每人一舊已經差唔多無晒。最後必須最讚係蝦餃，好味，用料新鮮，入面嘅蝦十分爽口，而且皮唔會話好厚同張住口；配埋辣油更加惹味！其他點心味道都相當唔錯，侍應服務亦可以。今餐除開每個人大約$129，(連埋請阿懿果份)。抵食！下次可以再嚟試過！

朋友生日宴, 同班friend去食生日有米豬, 點知失望而回, 之前在總店吃過好正, 今次到奧海城分店, 但水準遠不如總店….乳豬本身是好吃的, size適中, 皮脆肉嫩亦不太肥膩,但炒飯是敗筆, 一來炒得不均勻, 二來吃不到炒飯料, 好像只有飯一般….三來飯沒有豬香….失望!其他小菜則尚算可以, 我們叫了藕餅,胡椒豬肚湯.藕餅煎得者香脆,味道偏濃,但總算ok.胡椒豬肚湯好像例湯一般,不叫也罷

老爺話好正，成日想一家人去食，今晚難得人齊加老爺好興致，5點幾先訂位兼訂「有米豬」都無難度。7大2細 所以另外再叫咗5餸，個個餸都過百之餘份量又唔多，老實講真唔抵食⋯⋯ 而且味道麻麻～砵酒蠔又細隻味道差，就連蕃茄炒蛋啲「芡汁」仲多過蛋，味道unlike～ 講返隻「有米豬」 真係唔知邊忽好味，隻豬又細又肥仲有淚印，好慘⋯⋯ 啲飯又硬，老爺食食吓仲發現啲飯裡面有斤「釘」，好險⋯⋯ 埋單個陣同佢waiter 講返米米豬有「釘」 單嘢，老爺再三噪佢之下佢就話送糖水，送紅棗冰糖雪耳糖水，我剩係食到冰糖味，一句講晒季季紅唔好食～ ！

傳說中o既乳豬專門店...有點名過其實, 可能唔係藍地店卦, 兩個人叫左個套餐, 有乳豬4分1隻, 同1條魚乳豬賣相好, 脆皮, 但唔係麻皮, 果種脆係較硬身, 唔鬆化, 皮下肉有浸豬臭味隻豬睇同食都知道唔係bb豬, 的確比想象中失望, 因為我本身真係好鍾意食乳豬蒸魚基本上係正常, 冇咩問題, 只係食得出有小小雪味, 肉有d實, 豉油太重手值得一讚係有雲耳舖面, 幾好食, 幾特別

這餐是提早吃母親節飯，已早日來訂位，訂位時門口仕應說包保按時有位的，我們訂了晚上8點鐘，8點鐘說等多1O分鐘，之後又再1O分鐘。之後入到去有位，個強國仕應小姐d茶杯一隻隻去放，仲要有些污漬的都照比客人用，之後仲倒瀉落蟹跌左d杯係抬度，之後我們話自己搞，跟住d筷子用佢雙手1隻隻率完後派 oh NY god.只是呢個動作，搞左十幾分鐘。茶都冇開走左去了。食物：我們預早訂了有米豬-味道一般，但入面d飯很油膩龍蝦伊面，份量太少只夠一個人食，加上味道偏咸海中寶-所有份量蝦，帶子等全部得2件，分量只夠2人食蒸鯪魚豆腐-魚肉分量很少，豆腐很薄銀杏時菜-全碟是沒有銀杏的！燒鵝-味道普通，但剛到時已全碟油全部食物味道一般，但分量若多過4人食呢，就一定要加大。這間食物比外面較多味精。店面大約9點會開始清理收工，出餸時間很快，可能趕收工吧！

以一道「蝦禾米乳香豬」成名的「季季紅風味酒家」，最新的一間分店開在奧海城三期，地址就在之前開業的「愛吃家常便飯」舊址。這一天，趁著還在放假，便與太太一起來此吃個午餐。吃的當然不是 $660一隻的招牌「乳香豬」，不過仍然叫來一碟「化皮乳豬飯」做午餐。而太太呢？叫的則是 $78一位的「精選套餐」。其實我的「化皮乳豬飯」是「燒味午餐」（$68）的一部分，除了這飯外，這午餐還包括白飯、油菜和熱飲。太太的「精選套餐」就更豐富了，不但有兩款頭盤可揀和包熱飲，主食還有十三款選擇呢！我的乳豬飯是不錯的，乳豬皮都算脆，豬肉又不會骨多肉少或者只得肥膏，蘸點乳豬醬吃，都幾好。太太揀的主菜是「鳳梨咕嚕肉」，我雖然嫌這咕嚕肉的汁酸了點，但一向愛吃這菜的太太就覺得不錯，而且 這咕嚕肉和乳豬一樣都是肉多骨少，啖啖肉的，沒有欺場呢！隨餐送贈的油菜分量不少，但整棵生菜好像一棵樹一樣完全沒有搿開，要客人用牙嚙咬才能分開，卻是不夠細心和周到的地方。差點忘了太太那套餐的頭盤呢！這天我們吃的頭盤其實包括「涼泮鮮腐竹」、「蜜汁叉燒粒」和「手拍青瓜」三道菜式。當中以「蜜汁叉燒粒」最好，我覺得簡直比乳豬還要好，蜜味豐盈，肥瘦比例適中