LA Restaurant & Dessert Bar (已結業)

见到人地介绍超抵食, 所以今日做完野后自己一个走咗黎呢间试食, 想睇下又几吸引。小妹咁大个真系未食过威灵顿牛扒, 何谓正宗真系唔知, 不过见有人介绍, LUNCH又咁抵就去试啦。一黎都无点睇餐牌就叫咗威灵顿牛扒, 反正一早决定要试呢个, 所以唔驶1分钟己经落咗个柯打。但等就等咗十几分钟, 可能系即焗, 所以都OK GE。但赶时间就唔好食呢个啦。酥皮几好食, 够脆,不会太干, 但一切碎哂, 有啲难搞。牛就边位有啲干, 叫左五成,食个时醒唔起,但食到一半时就发现点解好似有啲干, 有少少肉汁GE, 但熟咗啲, 似七成。下次要试下三成。配菜叫咗薯条, 都几好食, 够脆。唔记得讲,个汁系黑椒汁, 几香, 但少咗啲, 下次要叫多汁。不过讲真, 牛扒我唔钟意用黑椒汁, 因为味太浓,会盖过啲牛味。听人讲牛舌饭都好食, 或者下次会试下牛舌饭。