船渦

营业中

休息中

横行无忌套餐 $398加左$10转全蟹乸，好多膏😍😍除左主角大闸蟹之外，仲有时令海鲜船，有鲍鱼、虾、圣子皇、元贝、大蚬、白蚬、鲜鱼片，海鲜几新鲜，蚬类去沙去得唔错。鲍鱼跟足佢时间整，岩岩好，口感正🤙🏽内务总管套餐 $288有三点刺身（帆立具、北寄贝、甜虾），日式炸鸡，海鲜有白蚬、虾、鲍鱼、蟹、元贝、大蚬。🐔🐷🐮每个套餐简2款肉，唔同套餐，肉既等级都唔同。横行无忌套餐系配安格斯牛肉，内务总管套餐系配美国肥牛。每个套餐都会送时蔬拼盘同三宝丸，蒸菜食都几特别。简左最钟意食既粥底，除左粥底，仲可以简面底。每人一锅，唔驶同朋友争粥食，店员见你食到差唔多，会自动过黎加粥料整粥。整体来讲，日系装修，而且每组座位之间都会有个帘隔住，增加私隐度，同朋友聚会一流。