卓記粥麵小館

营业中

休息中

已搬离土瓜湾一段时间，自幼在此区成长，熟识的地方，人面不少已全非，难得老店尚在，每次路过，也会入去点选美食。上次系食田鸡粥，粥底超绵滑，加上不是间间粥店有田鸡享用，所以能食到时美事。今次赶住睇朋友演出，路过此，一入铺内，就见有三数台老街坊闲聊天，仲人人有老板送上老火汤，与良朋好友分享……胆粗粗的我，问句《可唔可以要一碗汤？》人情味就在此，老板笑笑口，话”自己煲，唔煲卖呀！俾碗你试吓啦”，热爱畅游老店之因。我今次点选了姜葱鱼腩米粉，爱姜葱的朋友一定超兴奋。姜丝切得幼细，我直头可以全吃掉，仲有葱丝，也过𠮶火，所以葱香满天。仲要有大大块鱼腩肉，煮得刚刚好，鱼味香浓，而汤头也鲜甜好味，所以在艰难日子，也能保持卓越水准。下次又嚟过。